Yoano 17:3 - MUKANDA USANDU WA ZAMBI 1975

³ Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Mukanda Wa Zambi 1970

³ Uno we mwono wa miaka yeswe, kunyingika yena mwe Zambi wamwenemwene ni Yesu Kristu yoze watumine.

Yoano 17:3 Iomraidhean Croise

1 Sango Ja Mianangana 28:9

Ni yena, mwanami Solomone, nyingika Zambi ya tatenu ukamulingile ni mbunge yingunu ni manyonga a kulitumbikila. Mumu Yehova kakupolongoza mbunge jeswe ni kakunyingika kutaka cha manyonga eswe. Nyi mumufupa mumuwana, alioze nyi mumwehuka kumakumbila ndo ku miaka.

2 Sango Ja Mianangana 15:3

Ha shimbu linene A-Izalele hahona mwe Zambi wamwenemwene, chipwe sasendote mukwa kulongesa, chipwe shimbi.

Miaso (Masamu) 9:10

Waze ananyingika jina lie kumafuliela muli yena; mumu yena, Yehova, kushi kwehuka waze akukufupa.

Yishima 8:35

Mumu mweswe manguwana mawana mwono, mba mazuka vumbi lia Yehova.

Izaya 48:16

Kundamenu kuli yami nwivwe chino chuma. Chize ku uputukilo chahanjikile ku tenga. Chize ku miaka ya chino chuma, ni yami kunguli. Haliapwila Mwene Yehova hangutuma hamwe ni Spiritu yenyi.

Izaya 53:11

Kumakamona mihuko ya lamba lienyi lia mbunge, mba kumakayuka. Kavumbi kami, mwe mukwa ululi, kumakasambisa anji ni chinyingi chenyi. Iye kumakalitwika uhenge wo.

Izaya 61:1

Spiritu ya Mwene Yehova hwali hali yami, mumu Yehova hananguwayisa ngukanehe sango lipema kuli yiswale. Hanangutumu ngukawuke waze amakuka mbunge, kwambujola kutusuka kuli funge, ni kwazulwila mapito a zuwo lia ususu kuli waze anakashiwa.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Marku 9:37

Mweswawo matambula umwe mwana mukepe ngwe yono mu jina liami, mangutambula yami: ni mweswawo mangutambula yami, keshi kungutambula yami, alioze matambula yoze wangutumine.

Luka 9:48

Wambile kuli ayo ngwenyi, Mweswawo matambula yono mwana mukepe mu jina liami, mangutambula yami: ni mweswawo mangutambula yami, matambula yoze wangutumine: mumu yoze mukepe Wahiana eswe hakachi kenu, mwenawo munene.

Yoano 10:36

nunambe hali yoze Tata hanamusela ku lisandu, hanamutumu hano hashi ngwenu, Yena unashililika Zambi, mumu hinamba ngwami, Mwe Mwana Zambi yami, nyi?

Yoano 11:42

Ngunanyingika wakungwivwavwa matangwa eswe: alioze mumu ha mbunga yize akungujingilika nachamba, hanga afuliele ngwe wangutumine.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 17:18

Chizechene ngwe yena wangutumine hano hashi, chocho yami nawa hingunaatumu hashi.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 3:34

mumu yoze Zambi hanamutumu kakuhanjika maliji a Zambi: mumu keshi kuhana Spiritu ku njongo.

Yoano 5:44

Ngwe kuchi munuhasa kufuliela, yenu, nwakulichichimieka umwe kuli mukwo ni mukwo, kunushi kufupa uhenya uze wa kuli mwe Zambi umuwika.

Yoano 6:57

Chizechene ngwe Tata mukwa mwono wangutumine, ni yami nguli ni mwono mumu hali Tata; chocho yoze mangulia, iye nawa kumapwa ni mwono mumu hali yami.

Yoano 7:29

Alioze ngunamunyingika; mumu kuli iye ngunakatuka, iye wangutumine.

Yoano 8:19

Ambile kuli iye kashika ngwo, Tatenu kulihi ali? Yesu wakumbulwile ngwenyi, Yenu kunwanyingikine chipwe yami, chipwe Tata: kachi nwangunyingika, kachi nwanyingika Tata nawa.

1 Korintu 15:34

Lawilenu ku ululi, kanda nuvulumuna; mumu amwe keshi chinyingi cha Zambi: ngunahanjika chino hanga ngunukolese sonyi.

1 Korintu 8:4

Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

Filipu 3:10

hanga ngukamunyingike, ni tachi ja Uhindukilo wenyi, ni kulikunda cha lamba lienyi, nikulifwa ni kufwa chenyi;

Filipu 3:8

Ewa, chamwenemwene nakunyonga nawa yuma yeswe kupwa ngwe kufulwa ha ulemu wa yinyingi ya Kristu Yesu, Mwene wami; hali iye natokesele yuma yeswe, nakuyinyonga yiswaswa lume, hanga ngukazuke Kristu,

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

2 A-TESALONIKA 1:8

mu kahia ka kulekwoka, akakale milonga ya waze kanyingikine Zambi, ni waze keshi kwononoka ku sango lipema lia Mwene wetu Yesu.

Hebreu 3:1

Kashika, mandumbu asandu, akwa! kulianyina ha kutambika cha mwilu, Zewulenu mwe Postolo kanda mwe Sasendote mukwa lutwe wa kutayiza chetu, iye Yesu.

2 Petulu 1:2

Vumbi ni sambukila yikalumbame kuli yenu, mu yinyingi ya Zambi ni ya Yesu Mwene wetu.

2 Petulu 1:3

Se tachi jenyi ja Uzambi hijinatwehe chawana yuma yeswe ya kutwala ku mwono ni uwayilo, ku chinyingi cha yoze watutambikile ni uhenya wenyi mwene ni kuhiana chenyi mwene.

2 Petulu 1:8

Mumu kachi yuma yino yili muli yenu ya kulumbama, kuyakunupwisa hanga kunuchi kulelumioka chipwe kunuchi kuseka ha kutwala ku yinyingi ya Mwene wetu Yesu Kristu.

1 Yoano 1:2

(hanasolola mwono, mba hitunamono, twakushindakenya, tunanwambulwila mwono wa mutolo, yoze wapwile hamwe ni mwe Tata, hanamusolola kuli yetu);

1 Yoano 1:3

yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

1 Yoano 4:6

Yetu tuli a kuli Zambi: yoze wakunyingika Zambi kakutwivwa; yoze hi wa kuli Zambi ko keshi kutwivwa. Ku chino tunanyingika Spiritu ya umwenemwene, ni Spiritu ya kupiangula.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.