Yoano 17:23 - MUKANDA USANDU WA ZAMBI 1975

²³ yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Mukanda Wa Zambi 1970

²³ Yami muli ayo ni yena muli yami, hanga abwe lume umuwika, akwa hashi anyingike ngwo, yena wangutumine ni wakwazanga ngwe chize wakuzanga yami.

Yoano 17:23 Iomraidhean Croise

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 13:35

Ku chino eswe makanyingika yenu nuli tumbaji twami, kachi munupwa ni zango umwe kuli mukwo ni mukwo.

Yoano 14:10

Kuchi kufuliela, yami nguli muli Tata, ni Tata muli yami, nyi? Maliji aze ngunahanjika kuli yenu, chishi kwahanjika a kuli yami mwene: alioze Tata yoze watwama muli yami, kakulinga yitanga yenyi.

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

Yoano 15:9

Chize-chene ngwe Tata hananguzange, chocho ni yami nawa hingunanuzange; twamenu mu zango liami.

Yoano 16:27

mumu Tata iye mwene kananuzange, mumu hinunanguzange, hinunafuliela ngwe nakatukile kuli Tata.

Yoano 17:11

Ni yami chishi nawa hano hashi, ni wano hwali hano hashi, yami mungwiza kuli yena. Tata Musandu, uafunge kama mu jina lia yena mwene, waze hiunangwehe, hanga akapwe umuwika, chizechene ngwe yetu.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

Yoano 17:26

naanyingikishine jina lie, mungukaanyingikisalio; hanga zango lize hiunanguzange nalio, likapwe muli ayo, ni yami muli ayo.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 6:56

Yoze malia musunya wami, manwa manyinga jami, katwama muli yami, ni yami muli iye.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Filipu 3:15

Kashika waze hakachi ketu tuli angunu, tupwe nikunyonga chocho; nyi kachi ha chuma chimwe munupwa ni kunyonga cheka, chino nawa Zambi kumachisolola kuli yenu.

Kolosu 1:28

Iye twakumwambujola, nikukanyamisa mutu ni mutu, nikulongesa mutu mweswe ni mana eswe, hanga tukatumbikile mutu ni mutu mungunu muli Kristu.

Kolosu 2:2

hanga mbunge jo jikalilembejeke, ha kulinunga mu zango, hanga akapwe ni kulumbama cheswe cha chinyingi cha malinjekela, hanga akanyingike chijimbikilo cha Zambi, chenacho Kristu,

Kolosu 3:14

Helu lia yino yuma yeswe zalenu zango, lize liapwa muya wa ungunu.

1 Petulu 5:10

Zambi ya vumbi lieswe, yoze hananutambika kuheta ku uhenya wenyi wa mutolo muli Kristu, muze te hinunevu lamba ha shimbu likepe, iye mwene, kumakanupwisa angunu, makanujikijisa, makanutakamisa.

1 Yoano 1:3

yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 4:19

Yetu twakuzanga, mumu iye waliangile kutuzanga.

Usolwelo 3:9

Mungukahana waze a ku sunangonga ya Satana, waze akwamba ngwo, Yetu tuli A-Yunda, ni hi A-Yunda ko, aiioze kanahanjika mahuza; mungulinga hanga akeze, akawayile kulutwe lia yiliato ye, makanyingika hingunakuzange.