Yoano 17:21 - MUKANDA USANDU WA ZAMBI 1975

²¹ hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Mukanda Wa Zambi 1970

²¹ Tata, ngunalembe hanga ayo eswe akabwe umuwika, akabwe muli yetu ngwe yena uli muli yami ni yami muli yena, akabwe mutu umuwika hanga akwa hashi akafuliele ngwo, yena wangutumine.

Yoano 17:21 Iomraidhean Croise

Jeremia 32:39

Mungukaaha mbunge yimuwika ni jila yimuwika hanga akanguvwile woma ndo ku miaka hanga akawahe ene ni ana jo waze maakaula.

Zefania 3:9

Ha mwaka uze mungwalumuna kuhanjika cha mavungu chikapwe kuhanjika chipema hanga eswe akatongole jina lia Yehova nikumulingila ni mbunge yimuwika.

Zakaria 14:9

Yehova makeza kupwa mwanangana wa hashi heswe. Ha tangwa lize Yehova makapwa umuwika ni jina lienyi limuwika.

Marku 3:24

Nyi kachi wanangana muuli handununa wene, wanangana uze kuushi kuhasa kukola.

Yoano 10:16

Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Yoano 10:30

Yami ni Tata tuli umuwika.

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 11:42

Ngunanyingika wakungwivwavwa matangwa eswe: alioze mumu ha mbunga yize akungujingilika nachamba, hanga afuliele ngwe wangutumine.

Yoano 13:32

ni Zambi kumakamuchichimieka muli iye mwene, ni haliapwila kumamuchichimieka.

Yoano 13:35

Ku chino eswe makanyingika yenu nuli tumbaji twami, kachi munupwa ni zango umwe kuli mukwo ni mukwo.

Yoano 17:11

Ni yami chishi nawa hano hashi, ni wano hwali hano hashi, yami mungwiza kuli yena. Tata Musandu, uafunge kama mu jina lia yena mwene, waze hiunangwehe, hanga akapwe umuwika, chizechene ngwe yetu.

Yoano 17:18

Chizechene ngwe yena wangutumine hano hashi, chocho yami nawa hingunaatumu hashi.

Yoano 17:20

Chipwe chalembele hali wano wika, alioze hali waze nawa mangufuliela mumu ha liji lio;

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 5:23

hanga eswe akalemese mwe Mwana, chizechene ngwe akulemesa mwe Tata. Yoze keshi kulemesa mwe Mwana keshi kulemesa mwe Tata, yoze wamutumine.

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Yilinga 4:32

Chizavu cha waze afulielele, apwile ni mbunge yimuwika ni kunyonga chimuwika: mba niumwe wa kuli ayo wambile ngwenyi, Chuma chize nguli nacho nichami mwene; alioze yuma yeswe yapwile ya mbunga.

A-ROMA 12:5

chocho yetu, tuli anji, tunapu mujimba umuwika muli Kristu, ni eswe, mutu ni mutu, chihanda chimwe cha mukwo ni mukwo.

1 Korintu 1:10

Achi, ngunaliumbu kuli yenu, mandumbu, ku jina lia Mwene wetu Yesu Kristu, nukahanjike chuma chimuwika, kanda nulihandunyona hakachi kenu; alioze nukalinunge hamuwika ni kunyonga chimuwika ni upatwilo umuwika.

1 Korintu 12:12

Mumu chizechene ngwe mujimba unapu umuwika, ni yihanda yinji ukwete, ni yihanda yeswe ya mujimba nikupwa yinji yinapu mujimba umuwika; chocho nawa Kristu.

1 Korintu 6:17

Alioze yoze malinunga ni Mwene mapwa Spiritu umuwika.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

1 Yoano 1:3

yoze hitunamumono, Hitunamwivu, tunanwambulwilaye, hanga ni yenu nawa nukalikunde hamwe ni yetu; ni kulikunda chetu chamwenemwene chili hamwe ni mwe Tata, ni hamwe ni Mwanenyi Yesu Kristu:

1 Yoano 5:7

Yoze wakushindakenya iye mwe Spiritu, mumu Spiritu iye umwenemwene.