Yoano 17:11 - MUKANDA USANDU WA ZAMBI 1975

¹¹ Ni yami chishi nawa hano hashi, ni wano hwali hano hashi, yami mungwiza kuli yena. Tata Musandu, uafunge kama mu jina lia yena mwene, waze hiunangwehe, hanga akapwe umuwika, chizechene ngwe yetu.

Mukanda Wa Zambi 1970

¹¹ Chishi nawa hano hashi, alioze ayo kaali hano hashi. Yami nguneza kuli yena. Tata wa Linanga, afunge mu chiyulo cha jina lie, jina lize wanguhele, hanga abwe umuwika ngwe yena ni yami tuli umuwika.

Yoano 17:11 Iomraidhean Croise

Miaso (Masamu) 79:9

Zambi ya ulamwino wetu, utukwase kama mumu ha ulemu wa jina lie. Utupulule, utupemese ku milonga yetu mumu ha jina lie.

Yishima 18:10

Jina lia Yehova liapwa kaposhi mukolo; mukwa ululi machinyinamo mba mamufungila mwilu.

Izaya 27:3

ni yami Yehova nguli kafunga kawo; nakuuhinjila ni kulitwamina ka. Nakuufunga ufuku ni mwalwa kuchina umwe maulinga chimwe chipi.

Izaya 64:2

ngwe kahia kakukwata ku yitete, ngwe kahia kakufulwisa meya— hanga ukafumanyise jina lie kuli akwa kulimika ni yena, mavungu akachikime ha kuheta che.

Jeremia 14:21

Kanda utumbila, mumu ha ulemu wa jina lie; kanda ulelesa ngunja ye yinene. Iwuluka, kanda utangula usendo we ni yetu.

Jeremia 14:7

Chipwe uhenge wetu kuwakutushindakenya, hindu Yehova, linga mumu ha ulemu wa jina lie; mumu kukokoloka chetu chapwa chinji; hitwakuvulumuna.

Ezekiel 20:22

Alioze yingukokolola kwoko liami, yingulinga ha kulemesa jina liami hanga kulichi kajiluka kumeso ja mavungu, kumeso jo naatuhwishile.

Ezekiel 20:44

Mba munukanyingika yami nguli Yehova muze mungukalinga ni yenu nikulita ni jina liami, hi nikulita ni ndako jenu jipi ko, hi nikulita ni yitanga yenu ya kupola ko, enu akwa munyachi wa Izalele. Chocho kanambe Mwene Yehova.

Ezekiel 20:9

Alioze nalingile ha kulemesa jina liami hanga kulichi kuhiluka kumeso ja mavungu kuze atwamine, kumeso jo te nalisolwele ha kwachiza mu chifuchi cha Engitu.

Mateu 10:16

Nyingikenu, ngunanutumu ngwe mapanga hakachi ka tungunga: kanyamenu kashika ngwe tupela, alioze pwenu akwa kusamba ngwe tutele.

Mateu 5:48

Kashika pwenu angunu, ngwe Tatenu wa mwilu kapwa mungunu.

Mateu 6:9

Ngwe chino kashika lembenu ngwenu, Tata uli mu malilu, jina lie lipwe lisandu.

Yoano 13:1

Achi, shimbu te chiwanyino cha Chizomboka kanda chiheta, Yesu nikunyingika ola yenyi hiyeza akatuke hashi akaye kuli mwe Tata, se hanazange nienyi mwene, waze apwile hano hashi, waazangile ndo ku songo.

Yoano 13:3

Yesu, nikunyingika ngwe mwe Tata hanamwehe yuma yeswe mu moko jenyi, ngwe kuli Zambi wakatukile, ni kuli Zambi maya.

Yoano 14:20

Ha tangwa lize kumunukanyingika, yami nguli muli Tata, ni yenu muli yami, ni yami muli yenu.

Yoano 16:28

Nakatukile kuli Tata, hinguneza hashi; cheka nawa, munguhichika hashi, munguya kuli Tata.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:6

Nasolwele jina lie kuli atu aze wanguhele a kuli akwa hashi; apwile nie, ni yena wanguhelo; o hanafungu liji lie.

Yoano 7:33

Yesu kashika wambile ngwenyi, Hindu shimbu likepe nguli hamwe ni yenu, mba munguya kuli yoze wangutumine.

Yilinga 3:21

chatamba kumutambula mwilu ndo ku miaka ya kululikisa yuma yeswe, ha kutwala ku yize Zambi wahanjikile ku makanwa ja aprofeta jenyi asandu chize ku miakulwila.

A-ROMA 12:5

chocho yetu, tuli anji, tunapu mujimba umuwika muli Kristu, ni eswe, mutu ni mutu, chihanda chimwe cha mukwo ni mukwo.

A-ROMA 9:17

Mumu chisoneko chinambe kuli Fwalau ngwo, Ha chikuma chino chene nakumikine, hanga ngukalweze muli yena tachi jami, hanga jina liami likafumane kweswe hano hashi.

1 Korintu 1:10

Achi, ngunaliumbu kuli yenu, mandumbu, ku jina lia Mwene wetu Yesu Kristu, nukahanjike chuma chimuwika, kanda nulihandunyona hakachi kenu; alioze nukalinunge hamuwika ni kunyonga chimuwika ni upatwilo umuwika.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Efesu 4:4

Kuuli mujimba umuwika, ni Spiritu umuwika, ngwe hananutambika mu kutalatala chimuwika cha kutambika chize anutambikile nacho;

Filipu 2:9

Kashika Zambi hanamunangamisa chikolo, hanamwehe jina lize lili helu lia majina eswe;

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 9:24

Mumu Kristu kanjililemo muma musandu mwa kutungiwa ni moko, te Chizulie cha muma musandu mwamwenemwene; aiioze mwilu mwene hanga akasoloke haliapwila kumeso ja Zambi hali yetu:

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

1 Petulu 1:5

Yenu kananufungu ni tachi ja Zambi ku Ufulielo, ha ulamwino, himausolola ha mwaka wa kusula.

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.

1 Yoano 5:19

Tunanyingika yetu tuli a kuli Zambi, ni hashi heswe lukombo kuhakupomba mu chiyulo cha mwe chingulungulu.

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Yuda 1:24

Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.

Usolwelo 19:12

Ni meso jenyi ngwe mulengi wa kahia, ni ha mutwe wenyi hiyili yipangula yinji; iye ali ni jina linasonewa, lize niumwe manyingika shina iye mwene.

Usolwelo 4:8

Akwa mwono awana, akwete umwe ni umwe mapulwa asambano, kanazala tò ni meso ha kujingilika ni muchima: o keshi kuhwima mwalwa ni ufuku, kakwamba ngwo, Musandu, musandu, musandu, Mwene Zambi ya Ndundo-Jeswe, yoze wapwile, kwali, meza kupwa.