Yoano 16:7 - MUKANDA USANDU WA ZAMBI 1975

⁷ Alioze ngunambe umwenemwene kuli yenu ngwami, Chinafumbuka hali yenu kachi munguya; mumu kachi chichi kuya, kachi Chikwashi kechi kwiza kuli yenu; alioze kachi munguya, kachi mungukamutuma kuli yenu.

Mukanda Wa Zambi 1970

⁷ Alioze ngunanwambulwila umwenemwene ngwami, chinalite hali yenu, yami nguye. Mumu, nyi Chayile, Chikwashi kechi keza kuli yenu. Alioze, nyi naya, mungukanutumina ye.

Yoano 16:7 Iomraidhean Croise

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Luka 24:49

Nyingikenu, mungutuma chilakenyo cha Tata hali yenu: alioze twamenu mu limbo ndo manujika ni tachi ja mwilu.

Luka 4:25

Alioze chamwenemwene ngwami, Mwapwile twamishi anji mu Izalele ha matangwa ja Eliya, muze ájilile lilu ha miaka yitatu ni tukweji asambano, chocho kapunga munene wejile mu chifuchi cheswe;

Luka 9:27

Ahoze chamwenemwene ngunambe kuli yenu ngwami, Kwali amwe a kuli waze anamana kuno, kechi kufwa ndo mamona wanangana wa Zambi.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 14:28

Nwevwanga ngwe nambanga kuli yenu ngwami, Munguya, mba mungwiza kuli yenu. Kachi nunanguzange, kachi nunawahilila, mumu te munguya kuli Tata: mumu Tata iye munene wahiana yami.

Yoano 14:3

Nyi kachi munguya mukunululikila muhela, kachi mungwiza cheka nawa, mungukanutambula kuli yami mwene: hanga kuze yami nguli, kuze kwene ni yenu nawa nukapwe.

Yoano 15:26

Alioze muze te Chikwashi heza, yoze mungukamutuma wa kuli Tata, iye Spiritu ya umwenemwene, yoze makatuka kuli Zambi, iye kumakashindakenya hali yami;

Yoano 16:8

Iye muze heza, makakumika akwa hashi ha kutwala ku shili, ha kutwala ku ululi, ha kutwala ku upatwilo:

Yoano 7:39

Alioze chino wambile ha kutwala kuli Spiritu, yoze waze akufuliela kuli Kristu himatambula: mumu Spiritu kanda achiza; se Yesu kanda anjila mu uhenya wenyi.

Yilinga 10:34

Mba Petulu Wapakwile kanwa lienyi, wambile ngwenyi, Chamwenemwene ngunamono Zambi keshi katonde:

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

2 Korintu 4:17

Mumu luyinda wetu mulelu, wa kashimbu kano kakepekepe, kakulinga hali yetu kulumbama chahiana cha uhenya wa mutolo;