Yoano 16:5 - MUKANDA USANDU WA ZAMBI 1975

⁵ Alioze haliapwila munguya kuli yoze wangutumine; mba niumwe wa kuli yenu unanguhula ngwenyi, Kulihi muoya?

Mukanda Wa Zambi 1970

⁵ Haliabwila ngunayi kuli Tata yoze wangutumine. Mutu niumwe hakachi kenu unanguhula ngwenyi: ‘Kuli unayi?’

Yoano 16:5 Iomraidhean Croise

Yoano 13:3

Yesu, nikunyingika ngwe mwe Tata hanamwehe yuma yeswe mu moko jenyi, ngwe kuli Zambi wakatukile, ni kuli Zambi maya.

Yoano 13:36

Semone Petulu yamba kuli iye ngwenyi, Mwene, kulihi muoya? Yesu wakumbulwile ngwenyi, Kuze munguya yena kwahashile kungukaula haliapwila; alioze kulutwe mukangukaula.

Yoano 14:28

Nwevwanga ngwe nambanga kuli yenu ngwami, Munguya, mba mungwiza kuli yenu. Kachi nunanguzange, kachi nunawahilila, mumu te munguya kuli Tata: mumu Tata iye munene wahiana yami.

Yoano 16:10

ha kutwala ku ululi, mumu munguya kuli Tata, ni yenu kunushi kungumona nawa;

Yoano 16:16

Shimbu likepe, kunushi kungumona; ni cheka nawa shimbu likepe, mba munukangumona.

Yoano 16:17

Amwe a kuli tumbaji twenyi kashika aliambile umwe kuli mukwo ni mukwo ngwo, Acho chika anambe kuli yetu ngwenyi, Shimbu likepe kunushi kungumona; ni cheka nawa shimbu likepe, mba munukangumona, mumu munguya kuli Tata?

Yoano 16:28

Nakatukile kuli Tata, hinguneza hashi; cheka nawa, munguhichika hashi, munguya kuli Tata.

Yoano 17:13

Alioze haliapwila mungwiza kuli yena; ni yino yuma ngunahanjika hano hashi, hanga uwahililo wami ukazale tò muli ayo.

Yoano 17:4

Nakuchichimiekene hano hashi; se hingunamanununa chitanga chize wanguhele kulinga.

Yoano 6:62

Mba kuchi muchipwa kachi munumona mwe Mwana Mutu kanazezuka kuze apwile hatangu?

Yoano 7:33

Yesu kashika wambile ngwenyi, Hindu shimbu likepe nguli hamwe ni yenu, mba munguya kuli yoze wangutumine.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.