Yoano 16:3 - MUKANDA USANDU WA ZAMBI 1975

³ Yino yuma makalinga, mumu kanyingikine Tata, chipwe yami, ka.

Mukanda Wa Zambi 1970

³ Yuma yino maakayilinga mumu kaanyingikine Tata chibwe yami.

Yoano 16:3 Iomraidhean Croise

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 15:21

Alioze yino yuma yeswe makalinga kuli yenu, mumu ha jina liami, mumu kanyingikine yoze wangutumine.

Yoano 15:23

Yoze manguvwila kole mayivwila mwe Tata nawa.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 8:19

Ambile kuli iye kashika ngwo, Tatenu kulihi ali? Yesu wakumbulwile ngwenyi, Yenu kunwanyingikine chipwe yami, chipwe Tata: kachi nwangunyingika, kachi nwanyingika Tata nawa.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

Yilinga 3:17

Haliapwila, mandumbu, ngunanyingika nwachilingile ni kwalajala, ngwe nawa akwa kuyula jenu;

1 Korintu 2:8

Aze niumwe wa kuli miata ja mwakono kaanyingikineko, mumu kachi aanyingikine, kachi kahachilile ha kulusu Mwene wa uhenya.

2 A-TESALONIKA 1:8

mu kahia ka kulekwoka, akakale milonga ya waze kanyingikine Zambi, ni waze keshi kwononoka ku sango lipema lia Mwene wetu Yesu.

1 Timoteu 1:13

chipwe napwile kunyima mukwa kushililika Zambi, mukwa kuhungumiona, mukwa kupopolola: alioze nawanyine keke, mumu nachilingile ni kwalajala, nikuhona Ufulielo.

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 4:8

Yoze keshi zango, kanyingikine Zambi; mumu Zambi iye zango.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.