Yoano 16:22 - MUKANDA USANDU WA ZAMBI 1975

²² Ni yenu kashika haliapwila chinyengo nuli nacho, alioze mungukanumona cheka nawa, ni mbunge jenu mujikawahilila, ni uwahililo wenu niumwe manuchizawo.

Mukanda Wa Zambi 1970

²² Chimuwika ni yenu. Haliabwila nunevu chinyengo, alioze munukangumona nawa, mba munukawahilila, uwahililo uze mutu niumwe mahasa kuuchiza.

Yoano 16:22 Iomraidhean Croise

Jobe 34:29

Nyi mahola iya mamuhisa? Nyi mafuka meso jenyi iya mamumona? Chipwe vungu chipwe mutu, iya?—

Miaso (Masamu) 146:2

Shimbu nguli ni mwono munguhalisa Yehova. Shimbu nguchiliho mungwimba uhaliso kuli Zambi yami.

Miaso (Masamu) 33:21

Mumu mbunge jetu mujiwahilila muli iye, se twafuliela jina lienyi lisandu.

Izaya 25:9

Ha tangwa lize mamba ngwo, Mwe Zambi yetu yono! Twamutwaminyinyine atulamwine. Mwe Yehova yono twatwaminyinyine tuwahililenu ni kulikwiza ni ulamwino wenyi.

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Mateu 28:8

O akatukile nikawashi ku fuka, ni woma ni uwahililo unene, azombokele mukwambulwila tumbaji twenyi.

Luka 10:42

Alioze chuma chimuwika chinahono, Maria hanatongola chihanda chipema, chize kechi kachichiza kuli iye.

Luka 16:25

Alioze Apalahama ngwenyi, Mwanami, iwuluka ngwe yena ha miaka ya mwono we, watambwile yuma ye yipema, chizechene Lazaru watambwile yuma yipi; haliapwila kanamulembejeka, ni yena uli mu upinjilo.

Luka 19:26

Mumu ngunambe kuli yenu ngwami, Mweswe ukwete kumakamwaha, alioze yoze keshi nacho, chipwe chize ali nacho kumakamuchizacho.

Luka 24:41

Shimbu kanda achifuliela ha uwahililo, machikomoka, wambile kuli ayo ngwenyi, Chuma chimwe cha kulia nuli nacho kuno, nyi?

Yoano 14:1

Mbunge jenu kanda jilipikala: nwafuliela Zambi, fulielenu yami nawa.

Yoano 14:19

Shimbu likepe wika ni akwa hashi kechi kangumona; alioze yenu munungumona: se yami nguli ni mwono, ni yenu nawa kumunukapwa ni mwono.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yoano 16:16

Shimbu likepe, kunushi kungumona; ni cheka nawa shimbu likepe, mba munukangumona.

Yoano 16:20

Pundu, pundu, ngunambe kuli yenu ngwami, Munukalila, nikulinyenga, alioze akwa hashi makawahilila; munukevwa chinyengo, alioze chinyengo chenu muchalumuka uwahililo.

Yoano 16:6

Alioze mumu hinahanjika yino yuma, mbunge jenu hijazala tò ni chinyengo.

Yoano 21:7

Kambaji yoze kashika amuzangile Yesu yamba kuli Petulu ngwenyi, Yono mwe Mwene. Muze Semone Petulu evwile ngwenyi, Mwe Mwene, wazalile chikuto chenyi, (mumu te kazalile) walimbilile mu Chitende.

Yoano 4:14

alioze mweswawo manwa meya aze mungumwaha yami, kechi kevwa pwila nichimwe ku miaka ya mutolo; alioze meya aze mungumwaha kumakapwa muli iye fuji lia meya lia kuvwelwoka ku mwono wa mutolo.

Yilinga 13:52

Tumbaji azalile tò ni uwahililo ni Spiritu Musandu.

Yilinga 16:25

Alioze ha muchima ufuku Paulu ni Saila apwile nikulemba, nikwimba miaso kuli Zambi, ni funge aapanjikile;

Yilinga 2:46

O, tangwa ha tangwa, nikunyongo nona ni mbunge yimuwika mu tembele, nikupatula mbolo ku zuwo ni zuwo, alile kulia cho ni uwahililo ni kutuwika cha mbunge,

Yilinga 5:41

O kashika akatukile kumeso ja akwa kuyula, nikuwahilila se Zambi aanyongene akwa kutela kusauka ha lie Jina.

2 Korintu 6:10

Ngwe akwa yinyengo, hindu nikuwahilila matangwa eswe; ngwe yiswale, hindu nikupwisa anji pichi; ngwe kutushi chuma nichimwe, hindu twapita yuma yeswe.

2 A-TESALONIKA 2:16

Alioze Mwene wetu Yesu Kristu iye mwene, ni Zambi Tata yetu, yoze hanatuzange, yoze hanatwehe kulembejeka cha mutolo, ni kutalatala chipema ku vumbi,

Hebreu 10:34

Mumu nwevwile keke hali funge, nwatambwile ni uwahililo kupunda cha yikumba yenu, te nunanyingika nuli nayo yikumba yahiana ya kulinduluka.

Hebreu 6:18

Hanga ku yuma yiali kuyishi kuhasa kwalumuka, mu yino Zambi kechi kuhasa kuhanjika mahuza, tukapwe ni kulembejeka cha ngolo, yetu hitunachinyina kukwata ku kutalatala chize chili kulutwe lietu.

1 Petulu 1:8

yoze chipwe kunwamumwene, hindu nwakumuzanga; chipwe haliapwila kunushi kumumona, hindu se nunamufuliela, nwakulikwiza ni uwahililo uze keshi kuhasa kuuhanjika, wa tò ni uhenya.