Yoano 16:2 - MUKANDA USANDU WA ZAMBI 1975

² kumakanukatwisa ku masunangonga; ewa, mwaka muwiza, muze mweswawo manushiha, makashinginyeka ngwe kanalingi milimo ya Zambi.

Mukanda Wa Zambi 1970

² Atu maakanukatwisa mu mazuwo jo a kuwayila. Tangwa mulikeza muze yoze makanushiha, makanyonga ngwenyi, kanalingila Zambi.

Yoano 16:2 Iomraidhean Croise

Izaya 65:5

Kakwamba ngwo, Twama kwe! Kanda ungukundama mumu hinalihandununa ni yena. Wano kapwa ngwe mwishi mu mazulu jami, ngwe kahia kakuyila tangwa lieswe nganganga.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Daniel 11:33

Ni akwa mana hakachi ka atu makalongesa anji. Hindu makafwa ni katana, ni kahia, ni ufunge, ni kwapwisa ngwe upite wa jita, matangwa anji.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Mateu 24:9

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Yoano 12:42

Chipwe chocho, hindu anji a kuli akwa kuyula akamufuliele; alioze mumu hali A-Fwariseu kamutayijileko, kuchina makaakatwisa ku sunangonga:

Yoano 16:25

Yino yuma hinahanjika kuli yenu ni yishima, alioze mwaka muwiza muze chichi kahanjika nawa kuli yenu ni yishima, alioze mungukanwambulwila pundu ha kutwala kuli mwe Tata.

Yoano 16:32

Talenu, ola muyiza, ewa, hiyeza, muze munukamwangana mweswe kuli nienyi mwene, munukanguhichika ukawami; hindu yami hi nguli ukawami ko, mumu Tata hwali hamwe ni yami.

Yoano 4:21

Yesu yamba kuli iye ngwenyi, Pwo, ngufuliele, ola muyiza, muze chipwe hi mu mulundu uno ko, chipwe hi mu Yerusaleme ko, munukawayila mwe Tata.

Yoano 4:23

Alioze ola muyiza, ni haliapwila hiyaheta, muze akwa kuwayila amwenemwene makawayila Tata mu uspiritu ni mu umwenemwene: mumu mwe Tata kakufupa atu ngwe wano apwe akwa kumuwayila.

Yoano 9:22

Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

Yoano 9:34

Amukumbulwile ngwo, Yena wasemukine liakulu mu milonga, mba unatulongesa yetu, nyi? O amukatwishile.

Yilinga 5:33

Alioze, muze evwile chino, alichokele mu mbunge, azangile kwashiha.

Yilinga 7:56

Mba wambile ngwenyi, Talenu, ngunamono malilu kanazuluka, ni mwe Mwana Mutu kanamana ku chindume cha Zambi.

1 Korintu 4:13

kakutukowela, etu twakuliumba: kakutupwisa ngwe yiswaswa ya hano hashi, yikongwakongwa ya yuma yeswe, chipwe ndo haliapwila.

Filipu 3:6

Ha kutwala ku kulinga ni mbunge yeswe nahungumionene chikungulwila; ha kutwala ku ululi uze uli mu shimbi, te chishi chitela.

Usolwelo 6:9

Muze apakwile Chijikilo chamuchitano, namwene kushi lia chilumbilo alma ja waze aashihile ha liji lia Zambi ni ha Shindakenyo yize apwile nayo.

Akwa Kuyula 6:30

Mba malunga a chihunda yamba kuli Njoashe ngwo, Neha mwané akafwe, mumu hapuzula chilumbilo cha Mbale nikuteta e Ashera aliko.