Yoano 16:15 - MUKANDA USANDU WA ZAMBI 1975

¹⁵ Yuma yize yeswe Tata ali nayo, niyami: kashika hinamba ngwami, Makatambula yuma yami, nikunwambulwilayo.

Mukanda Wa Zambi 1970

¹⁵ Yize yeswe Tata ali nayo, yili ya yami. Kashika nanwambanga ngwami, Mwiku wamwenemwene muukatambula yize ya yami ni kunwambulwila yo.”

Yoano 16:15 Iomraidhean Croise

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 28:18

Yesu wakundamine kuli ayo, nikuhanjika kuli ayo ngwenyi, Hanangwehe yiyulo yeswe mwilu ni hashi.

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 13:3

Yesu, nikunyingika ngwe mwe Tata hanamwehe yuma yeswe mu moko jenyi, ngwe kuli Zambi wakatukile, ni kuli Zambi maya.

Yoano 14:21

Yoze uli ni shimbi jami, wakujifunga, mwenawo wakunguzanga; ni yoze wakunguzanga, kumakamuzanga kuli Tata, ni yami mungumuzanga, mungulisolola kuli iye.

Yoano 17:10

Ni yuma yize yeswe niyami, niye; ni vize niye, niyami: kananguchichimieka nayo.

Yoano 17:2

Chizechene ngwe wamuhele chiyulo helu lia atu eswe, hanga akahane mwono wa mutolo kuli waze eswe hiunamwehe.

Yoano 3:35

Mwe Tata kakuzanga mwe Mwana; hanakunjika yuma yeswe mu kwoko lienyi.

Kolosu 1:19

Mumu che kupwa cheswe cha Uzambi chatwama muli iye nikuwaha.

Kolosu 2:3

yoze muli iye upite weswe wa mana ni yinyingi kuwahengama.

Kolosu 2:9

Mumu muli iye mwatwama kuzala tò cheswe cha Uzambi mu mujimba.