Yoano 16:13 - MUKANDA USANDU WA ZAMBI 1975

¹³ Alioze muze iye, mwe Spiritu ya umwenemwene heza, makanusongwela mu umwenemwene weswe; mumu kechi kahanjika cha kuli iye mwene; alioze cheswacho mevwa, chenacho makachihanjika: iye makanwambulwila yuma yize muyizaho.

Mukanda Wa Zambi 1970

¹³ Muze Mwiku wamwenemwene muukeza, muukanusongwela umwenemwene weswe. Kuuchi kahanjika mu chiyulo cha uyowene, alioze muukahanjika yize yeswe muukevwa, muukanunyingikisa yuma yize muyikeza ho.

Yoano 16:13 Iomraidhean Croise

Izaya 11:2

Spiritu ya Yehova makahwimina hali iye, Spiritu ya malinjekela ni yinyingi, Spiritu ya yiyulo ni ndundo, Spiritu ya mana ni woma wa Yehova.

Joele 2:28

Mba kulutwe mungukazukula Spiritu yami hali atu eswe. Ana jenu a malunga ni a mapwo makaprofeteza. Makulwana jenu a malunga makateta yilota, ni akweze jenu makamona usolwelo.

Yoano 12:49

Mumu chahanjikile cha kuli yami mwene; alioze Tata yoze wangutumine, iye mwene hanangwehe shimbi, chize mungwamba, ni chize munguhanjika.

Yoano 14:17

Iye Spiritu ya umwenemwene: mwenawo akwa hashi kahashile kumutambula; mumu keshi kumumona, chipwe keshi kumunyingika; alioze yenu nwakumunyingika; mumu katwama hamwe ni yenu, iye kumakapwa muli yenu.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 15:26

Alioze muze te Chikwashi heza, yoze mungukamutuma wa kuli Tata, iye Spiritu ya umwenemwene, yoze makatuka kuli Zambi, iye kumakashindakenya hali yami;

Yoano 16:12

Yami nguchili ni yuma yinji ya kwamba kuli yenu, alioze kunwahashile kuyivwa haliapwila.

Yoano 3:32

Chize hanamono ni chize hanevu, chenacho kakushindakenya; alioze niumwe matambula Shindakenyo yenyi.

Yoano 8:38

Nakuhanjika yuma yize hingunamono hamwe ni Tata; ni yenu nawa nwakulinga yuma yize nwevwile kuli tatenu.

Yilinga 11:28

Mba umwe wa kuli ayo, jina lienyi Angavu, yakatuka, yalweza ku tachi ja Spiritu ngwenyi, Mukukapwa kapunga munene mu yifuchi yeswe ya hashi; mwenawo wapwile ha matangwa ja Kelautiu Sesare.

Yilinga 20:23

shina Spiritu Musandu kakungushindakenya chikolo mu membo eswe, ngwenyi, Malenge ni luyinda yinakutwaminyina.

Yilinga 27:24

ngwenyi, Paulu, kanda wivwa woma; Chakutamba kumana kumeso ja Sesare, ni chikwo nawa, Zambi hanakwehe waze eswe akwenda mu ulungu hamwe ni yena.

2 A-TESALONIKA 2:12

hanga akapatwile waze eswe kafulielele umwenemwene, alioze awahililile mu uhenge.

2 A-TESALONIKA 2:3

Kanda nutayiza niumwe kunwonga, chipwe hakehe, mumu tangwa lize kulichi kwiza shina che kulumbuka muchilianga kwiza, akasolole mwe mutu wa shili, mwe mukwa utoke,

Hebreu 1:1

Zambi, se wahanjikile ha shakulu kuli tulamba ni makanwa ja aprofeta ku yihanda yeka ni yeka, ni ndako jeka ni jeka,

1 Yoano 2:20

Ni yenu kuwayisa nuli nacho cha kuli mwe Musandu, nunanyingika yuma yeswe.

1 Yoano 2:27

Ha kutwala kuli yenu, kuwayisa chize hinunatambula kuli iye kuchakutwama muli yenu, mba kunushi kufupa umwe anulongese; aiioze ngwe kuwayisa chenyi kuchakunulongesa ha kutwala ku yuma yeswe, chinapu chamwenemwene, hi mahuza ko, chizechene ngwe hichinanulongesa, nwakutwama muliiye.

1 Yoano 4:6

Yetu tuli a kuli Zambi: yoze wakunyingika Zambi kakutwivwa; yoze hi wa kuli Zambi ko keshi kutwivwa. Ku chino tunanyingika Spiritu ya umwenemwene, ni Spiritu ya kupiangula.

1 Yoano 5:6

Yoze wejile ku meya ni manyinga, iye Yesu Kristu; hi ku meya wika ko, aiioze ku meya ni ku manyinga.

Usolwelo 1:1

Usolwelo wa Yesu Kristu, uze Zambi wamuhele mukulweza kuli ndungo jenyi chize chatamba kupwa nikawashi: iye watumine mungelo waulwezele ni yilayi kuli ndungo yenyi Yoano.

Usolwelo 1:19

Soneka kashika yuma yize hiwamona, ni yuma yize kuyili, ni yuma yize muyipwa kulutwe lia yino.