Yoano 15:9 - MUKANDA USANDU WA ZAMBI 1975

⁹ Chize-chene ngwe Tata hananguzange, chocho ni yami nawa hingunanuzange; twamenu mu zango liami.

Mukanda Wa Zambi 1970

⁹ Nakunuzanga ngwe chize Tata akunguzanga yami. Nyongononenu mu zango liami.

Yoano 15:9 Iomraidhean Croise

Yoano 15:11

Yino yuma hinahaniika kuli yenu, hanga uwahililo wami ukapwe muli ycnu, ni uwahililo wenu ukazale tó.

Yoano 15:13

Zango liahiana lino keshi nalio niumwe, kachi umwe matumbika mwono wenyi hali tusendo twenyi.

Yoano 17:26

naanyingikishine jina lie, mungukaanyingikisalio; hanga zango lize hiunanguzange nalio, likapwe muli ayo, ni yami muli ayo.

Yoano 3:35

Mwe Tata kakuzanga mwe Mwana; hanakunjika yuma yeswe mu kwoko lienyi.

Efesu 3:18

nukahase kunyingika hamwe ni asandu eswe uze wapwa utohe, ni usuhe, ni usuku kwilu, ni usuku kushi,

1 Yoano 2:28

Haliapwila, ana akepe, twamenu muli iye; hanga muze makamusolola, tukapwe ni hamu, kutuchi kevwa sonyi kumeso jenyi ha kuheta chenyi.

Yuda 1:20

Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;