Yoano 15:8 - MUKANDA USANDU WA ZAMBI 1975

⁸ Mu chino machichimieka Tata, nyi munwima mihuko yinji; ni chocho kumunukapwa tumbaji twami.

Mukanda Wa Zambi 1970

⁸ Uhenya wa Tata muusoloka nyi munwima mihuko yinji. Chenacho munukabwa tumbaji twami.

Yoano 15:8 Iomraidhean Croise

Izaya 60:21

Atu jenu eswe makapwa akwa ululi; kumakazuka chifuchi ndo ku miaka ya mutolo nikupwa mutondo uze natumbile, chitanga cha moko jami, hanga akangwehe uhenya.

Izaya 61:3

kusela kuli akwa kulinyenga mu Zaione— kwaaha chipangula cha yitemo kusalakana uto, maji a uwahililo kusalakana chinyengo, chikuto cha uhaliso kusalakana mbunge ya kuhonga, hanga akaatongole ngwo, Carvalho ya ululi ya kutumba kuli Yehova akamwehe uhenya.

Hagai 1:8

Kandukenu ku milundu, nukasake mitondo, nukatunge lie zuwo hanga ngukawahilile nalio, uhenya wami usoloke. Chocho kanambe Yehova.

Mateu 5:16

Chizechene pangu lienu likatemuke kumeso ja atu, hanga akamone yitanga yenu yipema, akachichimieke Tatenu yoze uli mu malilu.

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Mateu 9:8

Muze mbunga achimwene, alishikishilile, achichimiekene Zambi yoze wahanyine chiyulo chipwa haha kuli atu.

Luka 6:35

Alioze zangenu akwa kole jenu, lingenu yipema kuli ayo, hanenu mukuli, kanda nutalatala chize mahilwisa; ni kwononona chenu kumuchikapwa chinene; kumunukapwa ana ja mwe Chitunda: mumu iye mukwa utu kuli akwa kaleleso ni yingulungulu.

Yoano 13:35

Ku chino eswe makanyingika yenu nuli tumbaji twami, kachi munupwa ni zango umwe kuli mukwo ni mukwo.

Yoano 15:5

Ye vindera yami, yenu nuli mitango: yoze matwama muli yami, ni yami mungutwama muli iye, mwenawo mema mihuko yinji: mumu kunwahashile kulinga nichimwe shina ni yami.

Yoano 8:31

Yesu kashika wambile kuli A-Yunda waze amufulielele ngwenyi, Kachi munutwama mu maliji jami, kachi munupwa chamwenemwene tumbaji twami.

1 Korintu 10:31

Chipwe kashika munulia, hanji mununwa, hanji cheswacho munulinga, lingenu yuma yeswe ha uhenya wa Zambi.

1 Korintu 6:20

mumu hananulande ni ndando: kashika Chichimiekenu Zambi mu mijimba yenu ni mu maspiritu jenu, mumu ya Zambi.

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Titu 2:10

hi nikwiya ko, aiioze nikusolola kushishika cheswe chipema; hanga akawahise longeso lia Zambi Chilamwina chetu ha yuma yeswe.

Titu 2:5

Akwa mana, akwa kutoma, akwa kufunga mazuwo jo, apema, akwa kuzeyela kuli akwo-malunga, hanga kechi kashililika liji lia Zambi.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

1 Petulu 4:11

Kachi umwe mahanjika ahanjike ngwe iye liji lia Zambi; kachi umwe mavumbika, avumbike ngwe ku ngolo jize akumwaha Zambi: hanga mu yuma yeswe achichimieke Zambi ku tachi ja Yesu Kristu, yoze uhenya ni ndundo niyenyi ndo ku miaka yeswe ya mutolo. Amene.