Yoano 15:7 - MUKANDA USANDU WA ZAMBI 1975

⁷ Kachi munutwama muli yami, ni maliji jami matwama muli yenu, nukete cheswacho munuzanga, kumuchikapwa kuli yenu.

Mukanda Wa Zambi 1970

⁷ Nyi mununyongonona kulinunga ni yami, ni maliji jami mabwa muli yenu, munwita cheswe Chuma nunazange, munukachitambula.

Yoano 15:7 Iomraidhean Croise

1 Yitanga Ya Mianangana 3:5

Ku Ngibeone Yehova yasoloka kuli Solomone mu chilota ha ufuku. Zambi yamba ngwenyi, Eta cheswacho unazange; mungukwahacho.

Jobe 22:26

mba muwahilila muli Mukwa-Ndundo-Jeswe nikuhetula meso je kuli Zambi.

Jobe 23:12

Chahichikile shimbi ja mu kanwa lienyi; hinasweka mu mbunge yami maliji jenyi ngwe upite ulemu.

Miaso (Masamu) 119:11

Liji lie kunalisweka mu mbunge yami kuchina mungukuvulumuna.

Miaso (Masamu) 37:4

Wahilila nawa muli Yehova, iye kumakwaha cheswe unazange mu mbunge ye.

Yishima 10:24

Chize chingulungulu akuvwila woma muchimuwana; ni chize mukwa ululi mazanga mamwahacho.

Yishima 4:4

Tata wangulongesele ngwenyi, Mbunge ye yikalalaminye ku maliji jami; funga shimbi jami Utwame ni mwono.

Izaya 58:8

Nyi chocho pangu lienu mulikapanguluka ngwe kucha cha tangwa; kuhinduka chenu muchikasoloka washi. Ululi wenu muukanutetekela ni uhenya wa Yehova muukanufunga kunyima.

Jeremia 15:16

Yawana maliji je, mba naalia, ni maliji je alumukine kuli yami uwahililo ni chiseke cha mbunge yami, mumu hanangutuku jina lia yena, Yehova Zambi-ya-Tujita.

Mateu 7:7

Etenu, mba kumanwaha; fupenu, mba kumunuwana; ngongwelenu, mba kumanwazulwila.

Yoano 14:13

Cheswacho munwita mu jina liami, kumunguchilinga, hanga achichimieke Tata muli mwe Mwana.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 16:23

Ha tangwa lize kunuchi kanguhula nichimwe. Pundu, pundu, ngunambe kuli yenu ngwami, Cheswacho munwita kuli Tata mu jina liami, kumakanwahacho.

Yoano 8:31

Yesu kashika wambile kuli A-Yunda waze amufulielele ngwenyi, Kachi munutwama mu maliji jami, kachi munupwa chamwenemwene tumbaji twami.

Yoano 8:37

Ngunanyingika nuli munyachi wa Apalahama; alioze nwakufupa kungushiha, mumu liji liami kulishi unjililo muli yenu.

Galashia 4:2

alioze kushi lia tufufuchi ni tuselo ali, ndo ku mwaka uze aselele tato.

Galashia 5:16

Alioze ngwami, Endenu muli Spiritu, mba kunuchi kamanununa usolo wa musunya.

Shimbi 6:6

Maliji ano, ngunanwambe musono, akapwe ha mbunge jenu;

Kolosu 3:16

Liji lia Kristu Ukatwame muli yenu lia kulumbama ni mana eswe; nikulilongesa nikulikanyamisa umwe ni mukwo, ni masamu ni miaso ni mimbo ya uspiritu, imbenu ni vumbi mu mbunge jenu kuli Zambi.

1 Yoano 2:14

Nasonekene kuli yenu, atata, mumu nunanyingika yoze wapwa chize ku uputukilo. Nasonekene kuli yenu, akweze, mumu nwatakama, ni liji lia Zambi kuliakutwama muli yenu, hinunakumbu mwe chingulungulu.

1 Yoano 2:27

Ha kutwala kuli yenu, kuwayisa chize hinunatambula kuli iye kuchakutwama muli yenu, mba kunushi kufupa umwe anulongese; aiioze ngwe kuwayisa chenyi kuchakunulongesa ha kutwala ku yuma yeswe, chinapu chamwenemwene, hi mahuza ko, chizechene ngwe hichinanulongesa, nwakutwama muliiye.

1 Yoano 3:22

ni cheswacho mutwita, mutuchitambula kuli iye, mumu twakufunga shimbi jenyi, twakulinga yuma yize ya kupemena kumeso jenyi.

1 Yoano 5:14

Ni lino lie hamu tuli nalio kuli iye, kachi mutwita chuma chimwe cha kulita ni upale wenyi, kachi matwivwa.