Yoano 15:6 - MUKANDA USANDU WA ZAMBI 1975

⁶ Kachi mutu keshi kutwama muli yami, kachi mamumbila haze ngwe mutango, iye malela, mba mayikunga, mayimbila mu kahia, yikaweme.

Mukanda Wa Zambi 1970

⁶ Yoze keshi kunyongonona kulinunga ni yami maakamumbila haze ngwe mutango, mba muuma. Mitango yize hiyinomu, kakuyitongona ni kuyimbila mu kahia, mba muyiwema.

Yoano 15:6 Iomraidhean Croise

2 Samuel 23:7

Mutu yoze maakwata, ndo malipakata ni yikungo ni chikundo cha kunga. O eswe kumakaocha ni kahia pwilili kuma kwo.

Jobe 15:30

Kechi kulilamwina ku milima; mulengi muumisa mitombo yenyi; yitemo yenyi muyihehuka ni fuji.

Miaso (Masamu) 80:15

chitondo chino kwolo lie lia chindume liatumbile; mutango uno watakamishine hali yena mwene.

Izaya 14:19

alioze yena hakumbila kusuku ni fuka lie, ngwe umwe wa kuvwisa lwaji, wa kufuka ni mijimba ya waze haashiha, waze haatuwa tutana, akupalumuka ndo ku mawe a mu jondo, ngwe mujimba wa mufu wa kuliachila mu mavu.

Izaya 27:10

Mumu chihunda cha kukolesa chatwama cha kúlú. Chihunda cha kwehuka ni kuchina, ngwe puya. Ana-a-ngombe kakuliako, kwenako kakuutama ni kuhulula mitango yacho.

Ezekiel 17:9

Amba ngwe, Mwene Yehova kanambe ngwenyi, Te muutatuka? Kechi kuutukula nikutetaho mihuko yawo yeswe ukome, hanga mafwo jawo eswe a wisu a kusokoloka akome? Kuchatambile kwoko lia tachi jinji, hanji atu anji kuutukula ni miji yawo.

Mateu 13:41

Mwe Mwana Mutu kumakatuma angelo jenyi, kumakakunga yitalingiso yeswe ni waze akulinga uhulia, makaachiza mu wanangana wenyi.

Mateu 27:5

Aye wambilile mbongo ja prata mu tembele, yakatuka, yaya, yalisukika.

Mateu 3:10

Chipwe haliapwila hasa njimbu ku miji ya mitondo: kashika mitondo yize yeswe kuyishi kwima mihuko yipema mayipakula nikuyimbila mu kahia.

Mateu 7:19

Mitondo yize yeswe kuyishi kwima mihuko yipema mayipakula, mayimbila mu kahia.

Yoano 15:2

Mitango yize yeswe muli yami kuyishi kwima mihuko, mayichiza: ni mitango yize yeswe muyima mihuko, mayipemesa, hanga yikeme mihuko kuhiana.

Hebreu 10:27

aiioze kutatatata cha upatwilo chikota ni woma, ni kuyila cha kahia chize muchikalesa akwa kulimika.

2 Petulu 2:20

Mumu kachi muze te homboka ku luchisa wa hashi ku chinyingi cha Mwene kanda Chilamwina chetu Yesu Kristu, malimbalimbamo cheka nawa, akaakumbe, muhela wo wa kusula hiwapwa upi Wahiana.

1 Yoano 2:19

Atuhukile mukachi ketu, aiioze kapwile a kuli yetu; mumu kachi apwile a kuli yetu, kachi atwamine hamwe ni yetu, aiioze hanga akaasolole ngwo, O eswe hi a kuli yetu ko.

Usolwelo 20:15

Nyi kachi umwe kamuwanyine wa kusoneka mu mukanda wa mwono, amunyashine mu Chitende cha kahia.

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.