Yoano 15:4 - MUKANDA USANDU WA ZAMBI 1975

⁴ Twamenu muli yami, ni yami muli yenu. Chizechene ngwe mutango kuwahashile kwima mihuko ukawawo, shina muutwama mu vindera; chipwe yenu kunuchi kuhasa, shina munutwama muli yami.

Mukanda Wa Zambi 1970

⁴ Nyongononenu kulinunga ni yami, ngwe chize nakunyongonona kulinunga ni yenu. Mutango kuwahashile kwima mihuko ukawawo, shina muulinunga ni chibuta cha vinyu. Chimuwika nawa, yenu kunwahashile kwima mihuko nyi kunushi kunyongonona kulinunga ni yami.

Yoano 15:4 Iomraidhean Croise

Mwaso Ubema Wahiana 8:5

Iya auze unakatuka ku puya nikujamina hali lunga lienyi wa zango? Mushi lia mutondo wa masá nakulawishile. Kwenako noko wafumbajalile ni yikola ya yena, kwenako mukwa kufumbajala wakusemenene.

Hosea 14:8

Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Mateu 12:33

Pemesenu mutondo, ni mihuko yawo muyipwa yipema; hanji pihisenu mutondo ni mihuko yawo muyipwa yipi: mumu mutondo kanaunyingika ku mihuko yawo.

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

Yoano 14:20

Ha tangwa lize kumunukanyingika, yami nguli muli Tata, ni yenu muli yami, ni yami muli yenu.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 6:56

Yoze malia musunya wami, manwa manyinga jami, katwama muli yami, ni yami muli iye.

Yoano 8:31

Yesu kashika wambile kuli A-Yunda waze amufulielele ngwenyi, Kachi munutwama mu maliji jami, kachi munupwa chamwenemwene tumbaji twami.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

2 Korintu 13:5

Liesekenu yenwene kachi nuli mu Ufulielo; sololenu chinyingi hali yenwene. Kuma, kunwanyingikine yenwene, Yesu Kristu mwali muli yenu shina chamwenemwene nwapwa yisáshili, nyi?

Galashia 2:20

Hananguhachila ha kulusu hamwe ni Kristu; hi yami ko nawa nguli ni mwono, alioze Kristu yoze katwama muli yami; ni mwono uze nguli nawo mu mujimba, nguli nawo mu Ufulielo uze wa kuli mwe Mwana Zambi, yoze wanguzangile, yoze waliechele hali yami.

Efesu 3:17

hanga Kristu akatwame mu mbunge jenu ku Ufulielo; hanga yenu nikutanda miji, nukajikize mu zango;

Filipu 1:11

nukazale tò ni mihuko ya ululi, yize ya kuli Yesu Kristu, ku uhenya ni uhaliso wa Zambi.

Kolosu 1:23

Kachi mununyongonona mu Ufulielo, akwa kujikiza, akwa kukola; kachi kunushi kututuluka ku kutalatala cha sango lipema, lize nwevwile, lize ambujolele kuli atu eswe mushi lia lilu; ha liyo yami Paulu kunapwa kavumbi.

Kolosu 1:27

Kuli ayo Zambi wafupile kulweza chize chapwa kulumbama cha uhenya wa chijimbikilo chino hakachi ka mavungu, chenacho Kristu muli yenu, che kutalatala cha uhenya.

Kolosu 2:6

Kashika chizechene ngwe nwatambwile Kristu Yesu mwe Mwene, chocho endenu muli iye;

1 Tesalonika 3:5

Ha chikuma chino ni yami nawa se Chahashile kulihumikiza nawa, natumine hanga ngukanyingike Ufulielo wenu, kuchina hanji mukwa kuzeza hanweseka kulu, kukilikita chetu chikapwe chamokomoko.

Hebreu 10:39

Alioze yetu hi tuli akwa kusosolokela kunyima ko ku kwonwona; aiioze tuli akwa kufuliela ha ulamwino wa mwono.

1 Yoano 2:6

yoze mamba ngwenyi, Ngunatwama muli iye, chamutamba nawa kwenda chizechene ngwe endele iye.

2 Yoano 1:9

Mweswe matanguka, keshi kutwama mu longeso lia Kristu, iye keshi ni Zambi; yoze matwama mu longeso lia Kristu, kali ni eswe aali, ni mwe Tata ni mwe Mwana.