Yoano 15:18 - MUKANDA USANDU WA ZAMBI 1975

¹⁸ Kachi akwa hashi manuvwila kole, nunanyingika hananguvwilayo yami shimbu kanda anuvwilayo yenu.

Mukanda Wa Zambi 1970

¹⁸ “Nyi akwa hashi maanuvutwokela, nyingikenu ngwenu, hatangu haananguvutwokela yami.

Yoano 15:18 Iomraidhean Croise

1 Yitanga Ya Mianangana 22:8

Mwanangana wa Izalele yamba kuli Yehosofate ngwenyi, Kwali mutu umuwika mutuhasa kumuhula liji lia Yehova, Mikaia mwana Imala alioze kole ngunamuvwila mumu kakuprofeteza chipi hali yami hi chipema ko. Yehosofate ngwenyi, Kanda wambamo mwanangana.

Yishima 29:27

Mukwa uhenge kapwa chizelwokeso kuli mukwa ululi; yoze walulama mu ndako jenyi kapwa chizelwokeso kuli chingulungulu.

Izaya 49:7

Yehova, mwe Mukwa-Kukula Izalele, kanda Musandu wenyi, kanambe kuli yoze amulelesele chikolo, yoze amuvwilile lwaji ku mavungu, yoze wapwile kavumbi ka akwa kuyula, ngwenyi, Mianangana mamona mba makatuka; alemu mamona mba mafulamana hashi, ha mukunda wa Yehova, mwe mukwa jika, mwe Musandu wa Izalele yoze waatongwele.

Izaya 53:3

Amulelesele, alitunyineye kuli atu. Iye mukwa yinyengo, mukwa kulijilila ni chikulikuli; ngwe umwe atu mamuswekela meso jo, chocho amulelesele. Etu kutwamusele mbunge.

Izaya 66:5

Panjikenu liji lia Yehova, yenu nwakuchikimina liji lienyi, ngwami, Usoko wenu waze akunuvwila kole ni kunumbila mumu ha jina liami, o hanambe ngwo, Yehova afumane, hanga tukamone uwahililo wenu. Alioze o mevwa sonyi.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Mateu 10:22

Kumakanuvwila kole kuli eswe mumu ha jina liami: alioze yoze manyongonona ndo ku songo kumakamulamwina.

Mateu 24:9

Hohene makanukunjika ku luyinda, no kumakanushiha, kumakanuvwila kole ku mavungu eswe mumu ha jina liami.

Mateu 5:11

Kunwawaha muze manuchoka, ni muze manuhungumiona, ni muze manulamikiza ungulungulu, mumu hali yami.

Marku 13:13

Kumakanuvwila kole kuli eswe mumu ha jina liami: alioze yoze manyongonona ndo ku songo, kumakamulamwina.

Luka 6:22

Kunwawaha, yenu, muze atu manuvwila kole, muze malihandununa ni yenu, manuchoka, mambila haze jina lienu ngwe lipi, mumu hali mwe Mwana Mutu;

Yoano 16:1

Yino yuma hinahanjika kuli yenu, hanga kunuchi kutalinga;

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yoano 3:20

Mumu mweswe wakulinga yipi keshi kuzanga pangu, keshi kwiza ku pangu, kuchina mamukumika ha yitanga yenyi.

Yoano 7:7

Akwa hashi kahashile kunuvwila kole; alioze yami kakunguvwila kole, mumu nakushindakenya hali ayo, ngwami, Yitanga yo ya ungulungulu.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Tiangu (Jake) 4:4

Yenu yitanji, kunwanyingikine kufwila cha hano hashi, kole kuli Zambi, nyi? Kashika mweswe mapala kupwa kasendo ka akwa hashi, malipwisa mukwa kole kuli Zambi.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 3:13

Kanda nukomoka, mandumbu, kachi akwa hashi manuvwila kole.

1 Yoano 3:3

Ni mweswe uli ni kutalatala chino muli iye, kakulitomesa chizechene ngwe iye mutoma.