Yoano 15:10 - MUKANDA USANDU WA ZAMBI 1975

¹⁰ Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Mukanda Wa Zambi 1970

¹⁰ Nyi munufunga Shimbi jami, mununyongonona mu zango liami, ngwe chize nakufunga Shimbi ja Tata ni nakunyongonona mu zango lienyi.

Yoano 15:10 Iomraidhean Croise

2 Samuel 22:22

Mumu hingunafungu majila ja Yehova, chehukile Zambi yami ni ungulungulu.

1 MIANANGANA 18:6

Mumu walalaminyine kuli Yehova; kalitwaminyine kumukaula; yafunga shimbi jenyi jize Yehova watumine kuli Mose.

Kutuhuka 7:6

Chocho chialingile Mose ni Arone, chizechene ngwe Yehova aambile chocho alingile.

Izaya 50:5

Mwene Yehova hanangujikula twitwi liami, chakolemene, chahilukile kunyima.

Yoano 10:18

Niumwe mauchiza kuli yami, alioze munguutumbika yami mwene. Chiyulo nguli nacho cha kuutumbika, ni chiyulo nguli nacho cha kuwanda cheka nawa. Shimbi yino nayitambwile kuli mwe Tata.

Yoano 12:49

Mumu chahanjikile cha kuli yami mwene; alioze Tata yoze wangutumine, iye mwene hanangwehe shimbi, chize mungwamba, ni chize munguhanjika.

Yoano 14:15

Kachi nunanguzange, fungenu shimbi jami.

Yoano 14:21

Yoze uli ni shimbi jami, wakujifunga, mwenawo wakunguzanga; ni yoze wakunguzanga, kumakamuzanga kuli Tata, ni yami mungumuzanga, mungulisolola kuli iye.

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

Yoano 14:31

alioze hanga akwa hashi akanyingike ngwe nakuzanga Tata; chizechene ngwe Tata wanguhele shimbi, chocho nakulinga. Katukenu, tuyenu.

Yoano 17:4

Nakuchichimiekene hano hashi; se hingunamanununa chitanga chize wanguhele kulinga.

Yoano 4:34

Yesu yamba kuli ayo ngwenyi, Kulia chami ngukalinge upale wa yoze wangutumine, hanga ngukamanunune milimo yenyi.

Yoano 8:29

Yoze wangutumine hwali hamwe ni yami; Tata kanguhichikile ukawami; mumu nakulinga matangwa eswe yuma yize ya kupemena kuli iye.

Yoano 8:55

Kunwamunyingikine: alioze yami nakumunyingika; kachi mungwamba ngwami, Chamunyingikine, kachi mungupwa mukwa mahuza ngwe yenu; alioze nakumunyingika, nakufunga liji lienyi.

1 Korintu 7:19

Ungalami hi chimwe ko, ni ulima hi chimwe ko, alioze nukafunge shimbi ja Zambi.

1 Tesalonika 4:1

Ha yize yinasala, mandumbu, tunaliumbu, nikunushinjila muli Mwene Yesu, chizechene ngwe nwatambwile kuli yetu, ngwe chize Chanutamba kwenda ni kupemena kuli Zambi, chizechene ngwe nwakwenda, hanga nukalumbamemo nawa ni nawa.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.

2 Petulu 2:21

Mumu hapwa hali ayo kachi kanyingikine jila ya ululi, shina, muze te hayinyingika, kuchinduluka ku liji lisandu lia shimbi lize aakunjikile.

1 Yoano 2:3

Ku chino tunase chinyingi ngwetu, tunamunyingika, kachi tunafungu shimbi jenyi.

1 Yoano 2:5

aiioze mweswe mafunga liji lienyi, muli iye chamwenemwene zango lia Zambi linapu lingunu. Ku chino tunanyingika ngwetu, Tuli muli iye;

1 Yoano 2:6

yoze mamba ngwenyi, Ngunatwama muli iye, chamutamba nawa kwenda chizechene ngwe endele iye.

1 Yoano 5:3

Mumu lino lie zango lia Zambi, ngwo, Tukafunge shimbi jenyi: ni shimbi jenyi hi jikalu ko.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.