Yoano 14:9 - MUKANDA USANDU WA ZAMBI 1975

⁹ Yesu yamba kuli iye ngwenyi, Nguli hamwe ni yenu shimbu lipwa haha, hindu kwangunyingikine, Fwilipe? Yoze wangumona, hamona mwe Tata; ngwe kuchi unambe ngwe, Tulweze kama mwe Tata?

Mukanda Wa Zambi 1970

⁹ Yesu ngwenyi: “Filipe, shimbu libwa haha nguli hamwe ni yenu, hindu kuwangunyingikine, nyi? Mutu yoze hangumona, hamona nawa mwe Tata. Mba kuchi unambe ngwe: ‘Tulweze kama mwe Tata’?

Yoano 14:9 Iomraidhean Croise

Ubutukilo 26:9

Apimeleke yasanyika Izake, yamba ngwenyi, Pundu iye mukwenu-pwo, mba kuchi te yena wa-mbile ngwe, Ndumbwami? Izake yamba kuli iye ngwenyi, Mumu nambile ngwami, Kuchina makangushiha ha mukunda wa iye.

Miaso (Masamu) 11:1

Muli Yehova naswama; kuchi te nwakwamba mbunge yami ngwenu, Chinyina ku mulundu we ngwe kajila?

Jeremia 2:23

Kuchi muhasa kwamba ngwe, Chalichishile, chakawile Ambale? Tala jila ye mu chikulo; nyingika chize hiwalinga ngwe chimbembe cha kamelu kanapinji ni kulikonekakoneka.

Marku 9:19

Iye yaakumbulula ngwenyi, Yenu! chisemuko kuchishi Ufulielo, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuli yami.

Luka 12:56

Yilembese, nunanyingika ngwe chize kulumbununa kusoloka cha hashi ni lilu; alioze ngwe kuchi kunwanyingikine kulumbununa we mwaka?

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 10:30

Yami ni Tata tuli umuwika.

Yoano 12:45

Ni yoze mangumona, mamona yoze wangutumine.

Yoano 14:20

Ha tangwa lize kumunukanyingika, yami nguli muli Tata, ni yenu muli yami, ni yami muli yenu.

Yoano 14:7

Kachi nwangunyingika kachi nwanyingika Tata nawa: chize ku haliapwila ndo kulutwe nunamunyingika, hinunamumono.

Yoano 8:19

Ambile kuli iye kashika ngwo, Tatenu kulihi ali? Yesu wakumbulwile ngwenyi, Yenu kunwanyingikine chipwe yami, chipwe Tata: kachi nwangunyingika, kachi nwanyingika Tata nawa.

1 Korintu 15:12

Achi, nyi anambujola Kristu, ngwe hanamuhindwisa hakachi ka afu, ngwe kuchi amwe hakachi kenu anambe ngwo, Uhindukilo wa afu wakuhi niumwe?

Filipu 2:6

Iye se chimuwika apwa ni Zambi, kanyongene ngwenyi, Kulita ni Zambi chuma chamutamba kuchipunda.

Kolosu 1:15

Mwenawo che kulifwa cha Zambi, yoze keshi kumoneka, iye mutangu wa yuma yeswe ya kutanga:

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.