Yoano 14:7 - MUKANDA USANDU WA ZAMBI 1975

⁷ Kachi nwangunyingika kachi nwanyingika Tata nawa: chize ku haliapwila ndo kulutwe nunamunyingika, hinunamumono.

Mukanda Wa Zambi 1970

⁷ Nyi nunangunyingika yami, nunanyingika nawa Tata. Chize ku haliabwila munumunyingika, hinwamumona.”

Yoano 14:7 Iomraidhean Croise

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Luka 10:22

Kanangukunjika yuma yeswe kuli Tata; mba niumwe manyingika chize mwe Mwana apwa shina Tata; ni chize apwa Tata shina mwe Mwana, ni yoze mweswawo mwe Mwana mapala kumusolola.

Yoano 1:18

Niumwe wamwene Zambi niumwe mwaka; mwe Mwana wa wika, yoze uli mu kondo ya Tata, iye hanamusolola.

Yoano 15:24

Kachi chalingile hakachi ko yitanga yize niumwe mukwo walingile, kachi keshi mulonga: alioze haliapwila hanamono, hanavwila kole nawa ni yami ni Tata.

Yoano 16:3

Yino yuma makalinga, mumu kanyingikine Tata, chipwe yami, ka.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 17:26

naanyingikishine jina lie, mungukaanyingikisalio; hanga zango lize hiunanguzange nalio, likapwe muli ayo, ni yami muli ayo.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yoano 17:6

Nasolwele jina lie kuli atu aze wanguhele a kuli akwa hashi; apwile nie, ni yena wanguhelo; o hanafungu liji lie.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 6:46

Kuchapwile ngwe umwe hamona mwe Tata, shina yoze wa kuli Zambi, iye hanamono mwe Tata.

Yoano 8:19

Ambile kuli iye kashika ngwo, Tatenu kulihi ali? Yesu wakumbulwile ngwenyi, Yenu kunwanyingikine chipwe yami, chipwe Tata: kachi nwangunyingika, kachi nwanyingika Tata nawa.

2 Korintu 4:6

Mumu iye Zambi, yoze wambile ngwenyi, Pangu lipanguke mu milima, mwenawo hanapanguka mu mbunge jetu, mukutwaha kupanguka cha chinyingi cha uhenya wa Zambi kumeso ja Yesu Kristu.

Hebreu 1:3

Mwenawo che kupeyima cha uhenya wenyi; ni che kulifwa cha kupwa chenyi; iye mukwa kukolesa yuma yeswe ku liji lia tachi jenyi, muze te hamanununa kupemesa ha milonga, Watwamine ku kwoko lia chindume lia Ulamba mwilu.

1 Yoano 2:13

Ngunasoneka kuli yenu, atata, mumu nunanyingika yoze wapwa chize ku uputukilo. Ngunasoneka kuli yenu, akweze, mumu hinunakumbu mwe chingulungulu. Ngunasoneka kuli yenu, ana, mumu nunanyingika mwe Tata.