Yoano 14:6 - MUKANDA USANDU WA ZAMBI 1975

⁶ Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Mukanda Wa Zambi 1970

⁶ Yesu ngwenyi: “Yami nguli ye jila, ni we umwenemwene, ni we mwono. Niumwe meza kuli Tata shina ni yami.

Yoano 14:6 Iomraidhean Croise

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 1:17

Mumu ahanyine shimbi ku kwoko lia Mose; vumbi ni umwenemwene yejile kuli Yesu Kristu.

Yoano 1:4

Muli iye mwapwile mwono; ni mwono wapwile pangu lia atu.

Yoano 10:28

ngunaahe mwono wa mutolo; o kechi katoka nichimwe ndo ku miaka ya mutolo, mba niumwe kechi kaachangumuna ku kwoko liami.

Yoano 10:7

Yesu kashika wambile kuli ayo cheka nawa ngwenyi, Pundu, pundu, ngunambe kuli yenu ngwami, Chikolo cha mapanga yami.

Yoano 10:9

Chikolo yami; kachi umwe manjilila kuli yami, kumakamulamwina, makanjilanjila, makatuhwoka, makawana kelo.

Yoano 14:19

Shimbu likepe wika ni akwa hashi kechi kangumona; alioze yenu munungumona: se yami nguli ni mwono, ni yenu nawa kumunukapwa ni mwono.

Yoano 15:1

Vindera yamwenemwene yami, ni Tata iye njimi.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 6:33

Mumu ye mbolo ya Zambi yoze mahulumuka mwilu, mahana mwono kuli akwa hashi.

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

Yoano 6:57

Chizechene ngwe Tata mukwa mwono wangutumine, ni yami nguli ni mwono mumu hali Tata; chocho yoze mangulia, iye nawa kumapwa ni mwono mumu hali yami.

Yoano 6:68

Semone Petulu wamukumbulwile ngwenyi, Mwene, kuli iya mutuya? Yena e maliji a mwono wa mutolo uli no.

Yoano 8:32

Kumunukanyingika umwenemwene, ni umwenemwene kumuukanutusula.

Yoano 8:51

Pundu, pundu, ngunambe kuli yenu ngwami, Kachi umwe mafunga liji liami, iye kechi kamona kufwa nichimwe ndo ku miaka ya mutolo.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.

Yilinga 9:2

wamwichile mikanda ya kuya ku Ndamaseku, ku masunangonga, kachi mawana amwe a ku Jila yino, apwe malunga, apwe mapwo, akaanehe a kukasa ku Yerusaleme.

A-ROMA 15:16

Hanga ngukapwe kavumbi ka Kristu Yesu kuli akwa mavungu, nikulinga ngwe uvumbiko wa sasendote mu sango lipema lia Zambi, hanga akwa mavungu akapwe mulambu wa kupemena chikolo, kanausela ku usandu kuli Spiritu Musandu.

A-ROMA 5:2

kuli iye nawa unjililo tuli nawo ku vumbi lino muze twakumana mumu ha Ufulielo; twakulisamba ha kutalatala uhenya wa Zambi.

A-ROMA 5:21

Hanga chizechene ngwe shili yayulile mu kufwa, chocho nawa vumbi likayule ku ululi ndo ku mwono wa mutolo mumu hali Yesu Kristu Mwene wetu.

1 Korintu 15:45

Chocho nawa chinasonewa ngwo, Mutu mutangu Alama wapwile mukwa mwono. Alama wa kusula kapwa Spiritu wa kuhana mwono.

Efesu 2:18

mumu muli iye yetu, eswe aali, unjililo tuli nawo muli Spiritu umuwika kuli mwe Tata.

Kolosu 2:17

Yize yinapu yizulie ya yuma yize muyizaho; alioze mujimba wapwa wa Kristu.

Kolosu 2:9

Mumu muli iye mwatwama kuzala tò cheswe cha Uzambi mu mujimba.

Kolosu 3:4

Muze makasolola Kristu, iye mwono wetu, hohene ni yenu nawa makanusolola hamwe nenyi mu uhenya.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

Hebreu 9:8

Spiritu Musandu kanalweze chino ngwenyi, Kanda achisolola jila ya muma musandu mwahiana shimbu te mbalaka yitangu yinamana.

1 Petulu 1:21

Yenu, kuli iye nwakufuliela Zambi, yoze wamuhindwishile hakachi ka afu, wamuhele uhenya; hanga Ufulielo wenu ni kutalatala chenu chikapwe muli Zambi.

1 Petulu 2:4

Nwakwiza kuli iye, ngwe ku liwe lia mwono, alitunyinelio chamwenemwene kuli atu, aiioze kuli Zambi Hapwa lia kutongola, lilemu.

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

1 Yoano 1:8

Kachi mutwamba ngwetu, Kutushi shili, kachi tunaliongo, ni umwenemwene kuushimo muli yetu.

1 Yoano 2:23

Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa.

1 Yoano 5:20

Tunanyingika mwe Mwana Zambi haneza, iye hanatwehe malinjekela, hanga tukanyingike yoze wamwenemwene; te muli Mwanenyi Yesu Kristu, iye mwe Zambi wamwenemwene ni we mwono wa mutolo.

1 Yoano 5:6

Yoze wejile ku meya ni manyinga, iye Yesu Kristu; hi ku meya wika ko, aiioze ku meya ni ku manyinga.

2 Yoano 1:9

Mweswe matanguka, keshi kutwama mu longeso lia Kristu, iye keshi ni Zambi; yoze matwama mu longeso lia Kristu, kali ni eswe aali, ni mwe Tata ni mwe Mwana.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 19:11

Mba namwene lilu lia kwazulula; ni kumanyi, kavwalu mutoma, ni yoze unatwamako anamuvuluka ngwo, Wamwenemwene, Keshi-mahuza; iye yapatula, yasa jita ni ululi.

Usolwelo 20:15

Nyi kachi umwe kamuwanyine wa kusoneka mu mukanda wa mwono, amunyashine mu Chitende cha kahia.

Usolwelo 22:1

Mba wangulwezele lwiji wa meya a mwono, wa kutemuka ngwe kristale, kanatuhuka mu ngunja ya Zambi ni mwe Mwana-panga.

Usolwelo 22:17

Ni Spiritu ni ndungi kanambe ngwo, Tweya. Ni yoze mevwa ambe ngwenyi, Tweya. Ni yoze mevwa pwila eze: ni yoze mazanga atambule meya a mwono chawana.

Usolwelo 3:14

Kuli mungelo wa chikungulwila cha ku Laotisea Soneka ngwe, Yino yuma kanambe mwe Amene, chela wamwenemwene keshi mahuza, we uputukilo wa kutanga cha Zambi ngwenyi,

Usolwelo 3:7

Kuli mungelo wa chikungulwila cha ku Filadelfia Soneka ngwe, Yino yuma kanambe mwe musandu, mukwa umwenemwene, yoze uli ni sapi ya David, yoze wakwazulula mba niumwe kechi kájila, wakwájila mba niumwe kechi kázulula, ngwenyi: