Yoano 14:2 - MUKANDA USANDU WA ZAMBI 1975

² Mu zuwo lia Tata muyili yipatulo yinji; kachi hi chocho ko, kachi nanwambulwilile. Ngunayi mukunululikila muhela.

Mukanda Wa Zambi 1970

² Mu zuwo lia Tata muyili yibatulo yinji. Ngunayi mu kunululikila muhela. Chahashile kunwambulwila cho, nyi hi chamwenemwene ko.

Yoano 14:2 Iomraidhean Croise

Luka 14:22

Mba ndungo wambile ngwenyi, Mwene, chize wambanga hachilinga, ni hindu mihela kuyili.

Yoano 13:33

Ana akepe, shimbu likepe wika yami nguli hamwe ni yenu. Kumunukangufupa: chizechene ngwe nambile kuli A-Yunda ngwami, Kuze munguya yami, yenu kunwahashile kuyako: chocho ngunambe kuli yenu haliapwila.

Yoano 13:36

Semone Petulu yamba kuli iye ngwenyi, Mwene, kulihi muoya? Yesu wakumbulwile ngwenyi, Kuze munguya yena kwahashile kungukaula haliapwila; alioze kulutwe mukangukaula.

Yoano 14:28

Nwevwanga ngwe nambanga kuli yenu ngwami, Munguya, mba mungwiza kuli yenu. Kachi nunanguzange, kachi nunawahilila, mumu te munguya kuli Tata: mumu Tata iye munene wahiana yami.

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.

Yoano 17:24

Tata, ngunazange waze nawa hiunangwehe akapwe hamwe ni yami kuze nguli, hanga akatale uhenya wami, uze wanguhele; mumu wanguzangile shimbu kanda asela fundamentu ya hashi.

Yilinga 9:16

mumu mungukamulweza lamba lize linji chamutamba kwivwa mumu ha jina liami.

2 Korintu 5:1

Mumu tunanyingika kachi zuwo lietu lia hano hashi, mbalaka yino, mulijindwoka, zuwo tuli nalio lia kuli Zambi, zuwo kalitungile ni moko, lia mutolo mu malilu:

1 Tesalonika 5:9

Mumu Zambi katuselele ku atenu, alioze tukazuke ulamwino kuli Mwene wetu Yesu Kristu,

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Hebreu 11:10

mumu wataliletalile limbo lize likwete fundamentu, lize chilangaji, tungi yalio Zambi.

Hebreu 13:14

Mumu limbo lia kulinduluka kutushi nalio hano, aiioze twakufupa lize mulizaho.

Hebreu 6:20

muze Yesu, iye tetekeli, hanatunjilila, se iye kapwa sasendote mukwa lutwe ndo ku miaka ya mutolo nikulita ni ngango ya Melekizeteke.

Hebreu 9:8

Spiritu Musandu kanalweze chino ngwenyi, Kanda achisolola jila ya muma musandu mwahiana shimbu te mbalaka yitangu yinamana.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 21:2

Namwene limbo lisandu, Yerusaleme yaha, yinahulumuka mwilu ya kuli Zambi, kuyinalulika hali mukwo-lunga ngwe ndungi wa kuhenyesa.

Usolwelo 3:12

Yoze makumba, mungumupwisa nguji mu tembele ya Zambi yami, iye kechi katuhukamo nawa nichimwe: mungusoneka hali iye jina lia Zambi yami, ni jina lia limbo lia Zambi yami, lia Yerusaleme yaha, yize muyihulumuka mwilu, ya kuli Zambi yami, ni jina lia yami mwene liaha.

Usolwelo 3:21

Yoze makumba mungumwaha mukutwama hamwe ni yami ha ngunja yami, chizechene ngwe ni yami nawa hingunakumbu, hingunatwama hamwe ni Tata ha ngunja yenyi.