Yoano 14:12 - MUKANDA USANDU WA ZAMBI 1975

¹² Pundu, pundu, ngunambe kuli yenu ngwami, Yoze mangufuliela, yitanga yize nakulinga yami, iye nawa kumakayilinga; ni yitanga yinene yahiana yino kumakayilinga; mumu ngunayi kuli Tata.

Mukanda Wa Zambi 1970

¹² Chamwenemwene ngunanwambulwila ngwami, yoze unangufuliela, neye makalinga yitanga yize nakulinga. Makalinga yitanga yinene yahiana yino, mumu ngunayi kuli Tata.

Yoano 14:12 Iomraidhean Croise

Mateu 21:21

Yesu wakumbulwile, ngwenyi, Pundu ngwami, Kachi munupwa ni Ufulielo, kunushi kuyambashana, hi chino ko wika halinga ku mukuyu munulinga, alioze chipwe kachi munwamba ku mulundu uno ngwenu, Tutuluka, ulimbile mu kalunga-lwiji, kumuchikapwa.

Marku 11:13

Iye ha kumona mukuyu kusuku ni mafwo, waheteleko, kachi mawanako kama chuma chimwe: ni muze aheteleko, kawanyine nichimwe shina mafwo wika; mumu mwaka wa makuyu kanda uchiheta.

Marku 16:17

Yino yilayi kumuyikakaula waze mafuliela: mu jina liami kumakatuhwisa andemoniu; kumakahanjika mu malimi aha.

Yoano 14:28

Nwevwanga ngwe nambanga kuli yenu ngwami, Munguya, mba mungwiza kuli yenu. Kachi nunanguzange, kachi nunawahilila, mumu te munguya kuli Tata: mumu Tata iye munene wahiana yami.

Yoano 16:7

Alioze ngunambe umwenemwene kuli yenu ngwami, Chinafumbuka hali yenu kachi munguya; mumu kachi chichi kuya, kachi Chikwashi kechi kwiza kuli yenu; alioze kachi munguya, kachi mungukamutuma kuli yenu.

Yoano 4:37

Mumu mu chino chuma liji linapu liamwenemwene ngwo, Umwe makuwa, ni mukwo macha.

Yoano 5:20

Mumu mwe Tata kakufwila mwe Mwana, kakumulweza yuma yize yeswe iye mwene wakulinga: iye kumakamulweza yitanga yinene yahiana yino, hanga nukakomoke.

Yoano 7:33

Yesu kashika wambile ngwenyi, Hindu shimbu likepe nguli hamwe ni yenu, mba munguya kuli yoze wangutumine.

Yoano 7:39

Alioze chino wambile ha kutwala kuli Spiritu, yoze waze akufuliela kuli Kristu himatambula: mumu Spiritu kanda achiza; se Yesu kanda anjila mu uhenya wenyi.

Yilinga 10:46

Mumu aevwile nikuhanjika mu malimi nikuchichimieka Zambi. Hohene Petulu wakumbulwile ngwenyi,

Yilinga 16:18

Chino wachilingile matangwa anji. Mba Paulu nikwivwa chikulikuli chikolo, yatewulukila, yamba kuli Spiritu ngwenyi, Ngunakwambe mu jina lia Yesu Kristu ngwami, Tuhuka muli iye. Iye watuhukile ola yize yene.

Yilinga 19:12

chocho achijile ku mujimba wenyi yitambala hanji mapunyu, ayitwalile nikuyisa hali mieji, ni misongo yaakatukile, ni maspiritu api atuhukile muli ayo.

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 2:41

Hohene waze atambwile liji lienyi kanawa, aapapachishile, awezele kuli ayo ha tangwa lize liene ngwe tununu atatu a atu.

Yilinga 4:16

ngwo, Kuchi mutulinga kuli atu ano? Mumu chamwenemwene chinasoloka kuli waze eswe akutwama mu Yerusaleme, chilayi cha kukomwesa hanachilingi ku moko jo; kutwahashile kulikalacho;

Yilinga 4:33

Mba ni tachi jinene apostolo asele Shindakenyo yo ha Uhindukilo wa Mwene Yesu, ni vumbi linene liapwile hali ayo eswe.

Yilinga 4:4

Alioze anji a kuli waze evwile liji afulielele; ha kwalula malunga apwile ngwe tununu atano.

Yilinga 5:15

chocho anehene mieji ku mikwakwa, aasele ha miu ni yisalo, hanga chipwe Chizulie wika cha Petulu, ha kupalika, chikazutamine kama amwe a kuli ayo.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

Yilinga 8:7

Mumu maspiritu a luchisa atuhukile muli anji a kuli waze apwile no, nikukololoka ni liji linene: ni akwa kalepa anji ni yilema aawukile.

Yilinga 9:34

Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile.

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.

A-ROMA 15:19

ni tachi ja yilayi ni yipekesa, ni tachi ja Spiritu Musandu; chocho chize ku Yerusaleme, nikujinga ndo ku Iliriku, hingunamanununa kwambujola sango lipema lia Kristu: