Yoano 14:10 - MUKANDA USANDU WA ZAMBI 1975

¹⁰ Kuchi kufuliela, yami nguli muli Tata, ni Tata muli yami, nyi? Maliji aze ngunahanjika kuli yenu, chishi kwahanjika a kuli yami mwene: alioze Tata yoze watwama muli yami, kakulinga yitanga yenyi.

Mukanda Wa Zambi 1970

¹⁰ Kuushi kufuliela ngwe, yami nguli muli Tata ni Tata muli yami, nyi? Maliji eswe hingunahanjika nenu, hi a yami mwene ko. Alioze Tata yoze uli muli yami mwe wakulinga yitanga yenyi.

Yoano 14:10 Iomraidhean Croise

Yoano 10:30

Yami ni Tata tuli umuwika.

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 11:26

Ni mweswe uli ni mwono, mangufuliela, kechi kafwa nichimwe ndo ku miaka ya mutolo; Unafuliela chino, nyi?

Yoano 12:49

Mumu chahanjikile cha kuli yami mwene; alioze Tata yoze wangutumine, iye mwene hanangwehe shimbi, chize mungwamba, ni chize munguhanjika.

Yoano 14:11

Ngufulielenu, yami nguli muli Tata, ni Tata muli yami: alioze nyi ka, ngufulielenu ha yitanga yene.

Yoano 14:20

Ha tangwa lize kumunukanyingika, yami nguli muli Tata, ni yenu muli yami, ni yami muli yenu.

Yoano 14:24

Yoze keshi kunguzanga, keshi kufunga maliji jami: ni liji lize nwakwivwa hi nihami ko alioze lia Tata yoze wangutumine.

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 5:17

Alioze Yesu waakumbulwile ngwenyi, Tata kalinga ndo haliapwila, ni yami nakulinga.

Yoano 5:19

Yesu kashika waakumbulwile, ngwenyi, Pundu, pundu, ngunambe kuli yenu ngwami, Mwe Mwana keshi kuhasa kulinga nichimwe ukawenyi shina cheswacho mamona mwe Tata kakulinga: mumu yuma yeswayo akulinga iye, yino nawa mwe Mwana kakulinga chizechene.

Yoano 7:16

Kashika Yesu waakumbulwile, ngwenyi, Longeso liami hi nihami ko, alioze lia yoze wangutumine.

Yoano 8:28

Yesu kashika wambile kuli ayo ngwenyi, Muze hinwazundula mwe Mwana Mutu, hohene munukanyingika yoze nguli; chishi kulinga nichimwe cha kuli yami mwene; alioze chizechene ngwe Tata wangulongesele, nakuhanjika yino yuma.

Yoano 8:38

Nakuhanjika yuma yize hingunamono hamwe ni Tata; ni yenu nawa nwakulinga yuma yize nwevwile kuli tatenu.

Yoano 8:40

Alioze haliapwila nwakufupa kungushiha, mutu yoze hanahanjika umwenemwene, uze hingunevu kuli Zambi: Apalahama kalingile yoyo.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

2 Korintu 5:19

ngwetu, Zambi wapwile muli Kristu nikuwanyisa akwa hashi kuli iye mwene, kaasele milonga yo; iye hatukunjika lie liji lia uwanyino.

Kolosu 1:19

Mumu che kupwa cheswe cha Uzambi chatwama muli iye nikuwaha.

Kolosu 2:9

Mumu muli iye mwatwama kuzala tò cheswe cha Uzambi mu mujimba.

1 Yoano 5:7

Yoze wakushindakenya iye mwe Spiritu, mumu Spiritu iye umwenemwene.