Yoano 13:8 - MUKANDA USANDU WA ZAMBI 1975

⁸ Petulu yamba kuli iye ngwenyi, Kuchi kasanyisa yihato yami nilimwe tangwa. Yesu wamukumbulwile ngwenyi, Nyi chakusanyishine, kachi yena kushi chihanda ni yami.

Mukanda Wa Zambi 1970

⁸ Petulu ngwenyi: “Ka! Kuuchi kusanyisa molu jami nichimwe!” Yesu ngwenyi: “Nyi chichi kukusanyisa, kuuchi kubwa kambaji kami nichimwe.”

Yoano 13:8 Iomraidhean Croise

Ubutukilo 42:38

Iye yamba ngwenyi, Mwanami kunuchi kuya nenyi, mumu yayo hanafu, iye wika wangusala. Nyi chimwe chuma chipi muchimuwana mu jila munuya, kambu jami jitoma ni chinyengo munujikoka ku Shiole.

2 Samuel 20:1

Kwapwileko umwe lunga wamokomoko, jina lienyi Shipa, mwana Mbi kiri Ka-Mbenjamine. Iye yahumuna chitavwi ngwenyi, Etu kutushi chihanda muli David, chipwe chihinga kutushi nacho muli mwana Yese. Kashika enu malunga a Izalele yénu ku mazuwo jenu.

1 Yitanga Ya Mianangana 12:16

Muze A-Izalele eswe amwene ngwo, Mwanangana kapanjikile o yakumbulula mwanangana ngwo, Te chihanda tuli nacho muli David nyi? Kutushi chihinga muli mwe mwana Yese. A-Izalele yénu ku mazuwo jenu, ni yena David hitala ku yuma ya zuwo lia yena mwene. Kashika A-Izalele ayile ku mazuwo jo.

Miaso (Masamu) 51:2

Ngusanyise kama liakulu ku uhenge wami; ngupemese ku shili yami.

Miaso (Masamu) 51:7

Ngupemese ni hisope mba mungupema. Ngusanyise mba mungutoma kuhiana neve.

Izaya 4:4

Muze te Mwene hanasanyisa luchisa wa mapwo a mu Zaione ni kuchiza yipeka ya manyinga ku Yerusaleme hakachi ko ni Spiritu ya upatwilo ni Spiritu ya kwocha;

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Mateu 16:22

Petulu wamutwalile ku tenga, waputukile kumwambila ngwenyi, Zambi akuvwile keke, Mwene: chino kuchichi kapwa kuli yena, nichimwe.

Mateu 21:29

Aye wakumbulwile ngwenyi, Chichi kuyako; alioze kulutwe yalikonyeka, yaya.

Mateu 26:33

Alioze Petulu wakumbulwile ngwenyi, Chipwe kachi eswe matalinga hali yena, yami chichi kutalinga nilimwe tangwa.

Mateu 26:35

Petulu ngwenyi, Chipwe mungufwa hamwe ni yena, chichi kalikala yena nichimwe. Chizechene nawa ambile tumbaji eswe.

Yoano 13:6

Yaheta kashika kuli Semone Petulu. Yamba kuli iye ngwenyi, Mwene, musanyisa yiliato yami, nyi?

Yoano 13:9

Semone Petulu yamba kuli iye ngwenyi, Mwene, hi yiliato yami wika ko, alioze moko jami nawa ni mutwe wami.

Yoano 3:5

Yesu wakumbulwile ngwenyi, Pundu, pundu, ngunambe kuli yena ngwami, Mutu kahashile kunjila mu wanangana wa Zambi shina masemuka ku meya ni kuli Spiritu.

Yilinga 22:16

Haliapwila, kuchi te unashimbula? Katuka, akupapachise, ukasane milonga ye shimbu muchitambika ha jina lia Mwene.

1 Korintu 6:11

Ngwe wano amwe a kuli yenu nwapwile: alioze hananusanyisa, alioze hananusela ku usandu, alioze hananusambisa mu jina lia Mwene Yesu Kristu, muli Spiritu ya Zambi yetu.

Efesu 5:26

hanga akachisele chisandu, akachipemese ku kusanyisa cha meya ni tachi ja liji,

Shimbi 12:12

Nukawahilile kumeso ja Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, se o keshi chihanda chipwe chihinga hamwe ni yenu.

Kolosu 2:18

Niumwe kanda anulimuna kwononona chenu, nikulengumuka ku mbunge yenyi ya kulikehesa, ni kuwayila cha angelo, nikupolongoza mu yuma yize hanamono, nikulifuza ni kunyonga chenyi cha musunya.

Kolosu 2:23

Yenayo chamwenemwene yinasoloka ngwe mana yikwete mu uwayilo wa kuliyula, ni mbunge ya kulikehesa, ni kumwesa lamba we mujimba; alioze kuyishi tachi ja kukanjisa usolo wa musunya.

Titu 3:5

hi ku yitanga ya ululi ko, yize twalingile yetwene, aiioze nikulita ni keke yenyi yinene watulamwinyine, ku kusanyisa cha kusema chaha, ni kupwisa chaha cha Spiritu Musandu.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.