Yoano 13:34 - MUKANDA USANDU WA ZAMBI 1975

³⁴ Shimbi yaha ngunanweheyo, ngwami, Nukalizange umwe ni mukwo ni mukwo; chizechene ngwe yami hingunanuzange, ni yenu nawa nukalizange umwe ni mukwo ni mukwo.

Mukanda Wa Zambi 1970

³⁴ Ngunanwehe Shimbi yaha ngwami, lizangenu ni akwenu. Ngwe chize nakunuzanga yami, ni yenu nawa lizangenu.

Yoano 13:34 Iomraidhean Croise

Miaso (Masamu) 119:63

Nguli sepa lia waze eswe akukuvwila woma, ni lia waze akufunga ndongo je.

Miaso (Masamu) 16:3

Kuli asandu a hano hashi, waze ahiana kupema, muli ayo hiwamba ngwe, Ngunawahilila kanawa.

Alevi 19:18

Kanda ukakala mulonga. Kanda ukapwa ni kakucha mu mbunge kuli atu je, alioze ukazange mukwenu ngwe wakulizanga yena mwene. Yami Yehova.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Mateu 5:44

alioze yami ngunambe kuli yenu ngwami, Zangenu akwa kole jenu, Wahisenu waze akunushinga, lingenu kanawa kuli waze akunuvwila kole, lembenu hali waze akunusaula ni waze akunuhungumiona;

Yoano 15:17

Yino yuma ngunanwambeyo, hanga nukalizange umwe ni mukwo ni mukwo.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

A-ROMA 12:10

Ha kufwila cha mandumbu, lifwilenu ni utu umwe kuli mukwo ni mukwo; ha ulemu, eswe akaliange kuulweza kuli mukwo.

A-ROMA 13:10

Zango kulishi kulinga yipi kuli mwenyembo wenyi: kashika zango linapu che kumanununa cha shimbi.

A-ROMA 13:8

Kanda nukapwa ni kongo kuli niumwe, shina kulizanga umwe ni mukwo ni mukwo: mumu yoze mazanga mukwo, hanamanununa shimbi jeswe.

Galashia 5:22

Alioze mihuko ya Spiritu, zango, ni uwahililo, ni sambukila, ni kulihumikiza, ni utu, ni upeme, ni kushishika,

Galashia 5:6

Mumu muli Kristu, chipwe ungalami kuushi ni ulemu, chipwe ulima, ka; alioze Ufulielo uze unalingi ku zango.

Galashia 6:10

Chocho kevwe, shimbu tuchili ni mwaka, tulingenu yipema kuli atu eswe, ni kuli akwa zuwo lia Ufulielo kuhiana chikolo.

Galashia 6:2

Limbachilenu yilemu umwe hali mukwo, ni chocho munumanununa shimbi ya Kristu.

Efesu 5:2

Endenu mu zango, chizechene ngwe Kristu watuzangile; walikunjikile mwene hali yetu, mulambu ni chitapo kuli Zambi akapwe wa lupembo mupema.

Kolosu 1:4

se hitunevu ha Ufulielo wenu muli Kristu Yesu, ni zango lize nuli nalio kuli asandu eswe.

1 Tesalonika 3:12

Ni Mwene akanuwezele zango lia kulumbama umwe kuli mukwo, ni kuli atu eswe, chizechene ngwe yetu twakulinga kuli yenu;

2 A-TESALONIKA 1:3

Chatutamba kusakwila kuli Zambi matangwa eswe hali yenu, mandumbu, ngwe chinalite, mumu Ufulielo wenu kuwakutatuka kuhiana, ni zango umwe kuli mukwo ni mukwo hakachi ka yenu eswe kuliakuiumbama.

Hebreu 13:1

Kufwila cha mandumbu chikalinduluke.

Tiangu (Jake) 2:8

Alioze kachi nwakulinga shimbi ya ku wanangana nikulita ni Chisoneko ngwo, Ukazange mwenyembo we ngwe wakulizanga yena mwene, kachi nwakulinga kanawa.

1 Petulu 1:22

Se hinunatomesa mbunge jenu ha kwononoka chenu ku umwenemwene, hanga nukafwile mandumbu ni kufwila chize kuchishi ulembekese, lizangenu umwe mukwo ni mukwo ku mbunge yipema ni mbunge yeswe.

2 Petulu 1:7

ha uwayilo wezenu kufwila cha mandumbu; ha kufwila cha mandumbu wezenu zango.

1 Yoano 3:11

Mumu lino lie liji lize nwevwile chize ku uputukilo, ngwetu, Chatutamba kulizanga umwe ni mukwo ni mukwo.

1 Yoano 3:23

Ni yino ye shimbi yenyi, tukafuliele ku jina lia Mwanenyi Yesu Kristu, tukalizange umwe ni mukwo ni mukwo, chizechene ngwe hanatwehe shimbi.

1 Yoano 4:21

Ni shimbi yino tuli nayo ya kuli iye, ngwo, yoze wakuzanga Zambi, akazange ndumbwenyi nawa.

2 Yoano 1:5

Haliapwila ngunaliumbu kuli yena ndona, kuchapwile ngwe ngunasoneka kuli yena shimbi yaha, aiioze yize twapwile nayo chize ku uputukilo, ngwetu, Tukalizange umwe ni mukwo ni mukwo.