Yoano 13:19 - MUKANDA USANDU WA ZAMBI 1975

¹⁹ Chize ku haliapwila ngunanwambulwila shimbu kanda chipwa, hanga muze muchipwa, nukafuliele ngwe yami nguli.

Mukanda Wa Zambi 1970

¹⁹ Hinalianga kunwambulwila cho shimbu kanda, hanga muze muchikabwa nukanyingike ngwenu, ‘Yami Nguli Yoze Nguli,’

Yoano 13:19 Iomraidhean Croise

Izaya 41:23

Tulwezenu yize muyiza kwiza, hanga tukanyingike ngwetu, Nuli mazambi. Linga chipema, hanji linga chipi, hanga tukalishimwoke, hanji tukevwe mwongo.

Izaya 43:10

Yehova kanambe ngwenyi, Enu nuli yela jami, kavumbi kami wa kutongola, hanga nukangunyingike nuka ngufuliele nukase chinyingi, Yami Nguli. Katangile niumwe zambi wakunguliangila kulutwe, chipwe kunyima yami kechi kapwako,

Izaya 48:5

kashika nanwambulwilileyo chize ku shakulu. Shimbu kanda yipwa nanulwezeleyo, kuchina te munwamba ngwenu, Hamba liami wachilingile, hanji kaponya kami wa kwola, hanji kaponya kami wa kuzuzulula wachitumine.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Mateu 11:3

wambile kuli iye ngwenyi, Yena uli yoze meza nyi, shina mututala weka?

Mateu 24:25

Ivwenu, hinanwambulwila Shimbu-kanda.

Luka 21:13

Alioze Kumuchikapwa kuli yenu mukuhana Shindakenyo,

Yoano 1:15

Yoano washindakenyene hali iye, wakololokele ngwenyi, yono iye nambile ngwami, Yoze meza kunyima yami iye kulutwe liami: mumu iye waliangile.

Yoano 14:29

Haliapwila hinanwambulwila shimbu kanda chipwa, hanga, muze muchipwa, nukafuliele.

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.

Yoano 4:26

Yesu yamba kuli iye ngwenyi, Yami Mwene, yami ngunahanjika ni yena.

Yoano 8:28

Yesu kashika wambile kuli ayo ngwenyi, Muze hinwazundula mwe Mwana Mutu, hohene munukanyingika yoze nguli; chishi kulinga nichimwe cha kuli yami mwene; alioze chizechene ngwe Tata wangulongesele, nakuhanjika yino yuma.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.