Yoano 13:18 - MUKANDA USANDU WA ZAMBI 1975

¹⁸ Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.

Mukanda Wa Zambi 1970

¹⁸ “Chambile yenu eswe. Ngunanyingika waze natongwele. Alioze yuma yize yasonewene mu Mukanda wa Zambi chatamba kumanunuka. Ngwo: ‘Yoze wakulia mbolo hamwe ni yami, hangwalumukina.’

Yoano 13:18 Iomraidhean Croise

Miaso (Masamu) 41:9

Chipwe sepa liami yoze nalikata nenyi, yoze nafulielele, yoze walile kulia chami, hananguzundwila kashijino kenyi.

Jeremia 41:2

Ishemali mwana Netania ni e kumi lia malunga hamuwika, yakatuka, yalamba Gedalia mwana Ahikame mwana Shafane ni katana, yamushiha, yoze mwanangana wa Babilonia hamusa mukwa kuyula chifuchi.

Mateu 10:36

akwa kole ja mutu kumakapwa akwa zuwo lienyi.

Mateu 26:21

Shimbu machilia, wambile ngwenyi, Pundu ngwami, Umwe wa kuli yenu makangukunjika.

Mateu 26:23

Iye wakumbulwile, ngwenyi, Yoze unatate kwoko lienyi hamwe ni yami mu chenga, mwenawo mangukunjika.

Marku 14:17

Muze hapwile chingoloshi, yeza hamwe ni kumi ni aali.

Marku 14:18

Shimbu atwamine ku mesa nikulia, Yesu wambile ngwenyi, Pundu ngunambe kuli yenu ngwami, Umwe wa kuli yenu kumakangukunjika, yoze unali hamwe ni yami.

Marku 14:20

Alioze waakumbulwile, ngwenyi, Umwe wa kuli kumi ni aali, yoze unatate hamwe ni yami mu chenga.

Luka 22:21

Alioze tatenu, kwoko lia yoze mangukunjika hamwe ni yami ha mesa lili:

Yoano 13:21

Muze te Yesu hamba yino yuma, walipikalile mu Spiritu, neve washindakenyene ngwenyi, Pundu, pundu, ngunambe kuli yenu ngwami, Umwe wa kuli yenu makangukunjika.

Yoano 13:22

Tumbaji kashika alitalile umwe kuli mukwo ni mukwo nikukakashana hali yoze anambe.

Yoano 13:26

Yesu yakumbulula ngwenyi, Yoze mungutachila lupapa, mungumwahaye. Kashika muze te hatata lupapa, yamuhana kuli Yundase, mwana Semone, Ka-Keriote.

Yoano 15:16

Yenu kunwangutongwele, alioze yami nanutongwele, nanufunjikile, hanga nukaye, nukeme mihuko, hanga mihuko yenu yi-kalinduluke; hanga cheswacho munwita kuli Tata mu jina liami, akanwehecho.

Yoano 15:19

Kachi yenu nwapwa akwa hashi kachi akwa hashi mazanga nio ene: alioze mumu yenu hi nuli akwa hashi ko, alioze nanutongwele kuli akwa hashi, kashika akwa hashi kakunuvwila kole.

Yoano 15:25

Alioze chino hichapwa, hanga liji lize linasonewa mu shimbi yo likamanunuke ngwo, Anguvwilile kole lume, chikuma chakuhi.

Yoano 17:12

Muze napwile hamwe no hashi, naatangile mu jina lie waze hiunangwehe: naalayile, mba niumwe wa kuli ayo watokele, shina mwe mukwa utoke; hanga chisoneko chikamanunuke.

Yoano 18:32

hanga liji lia Yesu likamanunuke lize ahanjikile, nikulweza kufwa chize mafwa.

Yoano 19:24

Aliambile kashika umwe kuli mukwo ni mukwo ngwo, Kanda tuchipula, alioze tuchitenu chela, yoze muchipwa nichenyi: hanga chisoneko chikamanunuke, chize chinambe ngwo, Alianyinyine mazalo jami hakachi ko, ni ha uzalo wami atele chela. Maswalale kashika alingile yino yuma.

Yoano 19:36

Mumu alingile yino yuma, hanga chisoneko chikamanunuke ngwo, Chifwaha chenyi nichimwe kuchichi kamakuka.

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yoano 6:70

Yesu waakumbulwile ngwenyi, Chanutongwele, yenu kumi ni aali, nyi? Mba umwe wa kuli yenu iye ndiapu umwe.

Yilinga 1:16

Mandumbu, chinatambe chisoneko chikamanunuke, chize ahanjikile Spiritu Musandu Shimbu-kanda, ku kanwa lia David, ha kutwala kuli Yundase, yoze wapwile kasongo kuli waze akwachile Yesu.

Yilinga 1:2

ndo ku tangwa lize, amutambwile mwilu, muze te ku tachi ja Spiritu Musandu hahana shimbi kuli apostolo waze iye waatongwele:

2 Korintu 4:5

Mumu kutushi kuliambujola yetwene, alioze Kristu Yesu mwe Mwene, ni yetwene ndungo jenu mumu hali Yesu.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.