Yoano 13:12 - MUKANDA USANDU WA ZAMBI 1975

¹² Kashika muze te hasanyisa yiliato yo, handa mazalo jenyi, hatwama cheka nawa, wambile kuli ayo ngwenyi, Nunanyingika chize hinalinga kuli yenu, nyi?

Mukanda Wa Zambi 1970

¹² Muze Yesu hasanyisa molu jo, yazala nawa mahina jenyi a helu, yatwama ku mesa, mba yaamba ngwenyi: “Nunanyingika chize hinanulinga, nyi?

Yoano 13:12 Iomraidhean Croise

Ezekiel 24:19

Atu yanguhula ngwo, Kuchi kutulumbunwina chize yino yuma muyilumbunuka kuli yetu, yino unalingi kumeso jetu?

Ezekiel 24:24

Chocho Ezekiel mapwa chilayi kuli yenu; yenu munulinga nikulita ni yize yeswe iye halinga. Ha kuheta chuma chino mba munukanyingika yami nguli Mwene Yehova.

Mateu 13:51

Yesu yamba kuli ayo ngwenyi, Hinwasela chinyingi yino yuma yeswe, nyi? O yamba kuli iye ngwo, Ewa, Mwene.

Marku 4:13

Iye yamba kuli ayo ngwenyi, Kunwanyingikine chishima chino, nyi? Mba ngwe kuchi mununyingika yishima yeswe?

Luka 22:27

Mumu iya munene Wahiana, shina yoze matwama ku mesa, nyi? Shina yoze mavumbika? Hi yoze matwama ku mesa ko, nyi? Alioze yami nguli mukachi kenu ngwe yoze unavumbika.

Yoano 13:4

Yakatuka ku kulia, yatambika mazalo jenyi; iye yanda twaya, yalijichika.

Yoano 13:7

Yesu wamukumbulwile, ngwenyi, Chize ngunalingi kwanyingikine haliapwila; alioze kumukanyingika kulutwe.