Yoano 13:10 - MUKANDA USANDU WA ZAMBI 1975

¹⁰ Yesu yamba kuli iye ngwenyi, Yoze hasana mweswe, keshi kufupa kusana shina yiliato yenyi, alioze kanapeme mweswe lukombo; ni yenu nunapeme, alioze hi eswe ko.

Mukanda Wa Zambi 1970

¹⁰ Yesu ngwenyi: “Yoze hasana mujimba weswe keshi kuzanga kusana nawa shina molu, mumu habema kulu mweswe. Yenu nunabeme, alioze hi eswe ko.”

Yoano 13:10 Iomraidhean Croise

Longeshi 7:20

Pundu kuheshi mutu niumwe hano hashi yoze kakulinga chipema ni kuvulumuna ka.

Mwaso Ubema Wahiana 4:7

Mweswe wa muwundu unapeme, mukwa zango liami, muli yena kumushi kachipa.

Jeremia 50:20

Yehova kanambe ngwenyi, Ha matangwa aze ni ha mwaka uze makafupa uhenge mu Izalele alioze kechi kawana niumwe; makafupa shili mu Yunda, alioze kechi kawana niyimwe; mumu mungukonekena waze ngunahichika ngwe masalila.

Alevi 16:26

Ni yoze matwala pembe ha Zazele makosa mazalo jenyi, masana meya mba mahasa kunjila mu chilombo.

Alevi 16:28

Yoze mayocha makosa mazalo jenyi, masana meya mba mahasa kunjila mu chilombo.

Mateu 6:12

Utukonekene kama makongo jetu ngwe yetu nawa twakukonekena waze ali ni makongo kuli yetu.

Yoano 13:18

Chishi kuhanjika hali yenu eswe; ngunanyingika waze hingunatongola; alioze hanga chisoneko chikamanunuke ngwo, Yoze wakulia mbolo hamwe ni yami, hananguzundwila kashijino kenyi.

Yoano 13:9

Semone Petulu yamba kuli iye ngwenyi, Mwene, hi yiliato yami wika ko, alioze moko jami nawa ni mutwe wami.

Yoano 15:3

Yenu kunwapema kulu mumu ha liji lize hinahanjika kuli yenu.

2 Korintu 5:17

Kashika kachi umwe mapwa muli Kristu, kachi iye chitanga chaha; yuma yikulu hiyinahu; yuma yeswe yinapu yaha.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

1 Tesalonika 5:23

Haliapwila Zambi ya sambukila iye mwene akanusele ku usandu liakulu; akafunge maspiritu jenu ni alma jenu ni mijimba yenu ya muwundu, yikapwe kuyishi chitela ha kuheta cha Mwene wetu Yesu Kristu.

Hebreu 9:10

Se yatwala wika ku yuma ya kulia ni kunwa ni kusana cheka ni cheka, maliji a yiyulo ya musunya, aatwikile ndo mwaka wa kululika yuma yeswe.

Tiangu (Jake) 3:2

Mumu yetu eswe twakutalinga kanji, kachi umwe keshi kutalinga ha liji, iye mutu mungunu, kanahase kuhombola mujimba weswe nawa.