Yoano 12:16 - MUKANDA USANDU WA ZAMBI 1975

¹⁶ Yino yuma tumbaji twenyi kayinyingikine hatangu; alioze muze te Yesu hanjila mu uhenya wenyi, hohene ewulukile ngwe yino yuma yasonewene hali iye, ngwe alingile yino yuma kuli iye.

Mukanda Wa Zambi 1970

¹⁶ Hatangu tumbaji twenyi kaanyingikine yuma yize, alioze muze Yesu hanjila mu uhenya wenyi, yeewuluka ngwo, kuma yuma yino yasonewene mu Mukanda wa Zambi hakutwala kuli Yesu, nawa ngwo, atu alingile yuma yino mumu hali iye.

Yoano 12:16 Iomraidhean Croise

Marku 16:19

Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi.

Marku 9:32

Alioze kanyingikine liji lino, evwile woma kumuhula.

Luka 18:34

Alioze maliji ano kaalumbunukine: ni liji lino liaswamine kuli ayo, kanyingikine chize ambile.

Luka 24:25

Iye wambile kuli ayo ngwenyi, Yenu yelo, ni akwa makoke ku mbunge kufuliela yuma yize yeswe aprofeta ahanjikile.

Luka 24:45

Hohene walawishile kunyonga cho, hanga anyingike ye yisoneko;

Luka 9:45

Alioze kanyingikine liji lino, liahengamine kuli ayo, chocho kahashile kuchimona, o evwile woma kumuhula ha liji lino.

Yoano 12:23

Yesu yaakumbulula, ngwenyi, Ola hiyeza, mwe Mwana Mutu akanjile mu uhenya wenyi.

Yoano 14:26

Alioze Chikwashi, iye Spiritu Musandu, yoze Tata makatuma mu jina liami, iye kumakanulongesa yuma yeswe, makanwiwulwisa yuma yize nambile kuli yenu.

Yoano 16:4

Alioze yino yuma hinahanjika kuli yenu, hanga muze mwaka wayo hiweza, nukewuluke, ngwe nanwambulwilile. Ni yino yuma chambile kuli yenu chize ku uputukilo, mumu napwile hamwe ni yenu.

Yoano 17:5

Haliapwila, nguchichimieke, Tata, hamwe ni yena ni uhenya uze napwile nawo hamwe ni yena, muze te hashi kanda hapwa.

Yoano 2:22

Muze te kashika hamuhindwisa hakachi ka afu, tumbaji twenyi ewulukile ngwe wambile chino; o afulielele che chisoneko, ni liji lize ambile Yesu.

Yoano 7:39

Alioze chino wambile ha kutwala kuli Spiritu, yoze waze akufuliela kuli Kristu himatambula: mumu Spiritu kanda achiza; se Yesu kanda anjila mu uhenya wenyi.

Yilinga 2:33

Kashika se hanamunangamisa ku kwoko lia chindume lia Zambi, ni se hanatambula kuli mwe Tata chilakenyo cha Spiritu Musandu, hanazukula chino, nunamono, nunevu haliapwila.

Yilinga 2:36

Kashika, akwa zuwo lieswe lia Izalele anyingike chamwenemwene ngwo, Yono Yesu, nwamuhachilile ha kulusu, Zambi hanamupwisa ni Mwene ni Kristu.

Yilinga 3:13

Zambi ya Apalahama, ya Izake, ya Yakomba, Zambi ya akaka, hahana uhenya kuli Kavumbi kenyi Yesu; yoze yenu nwamukunjikile, nwalikalileye kumeso ja Pilatu, muze iye ambile kumutusula.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 8:1

Achi, ha yuma yino tunambe, chikuma chahiana chino ngwetu, sasendote mukwa lutwe ngwe yono tuli nenyi, yoze hanatwama ku kwoko lia chindume lia ngunja ya Ulamba mu malilu,