Yoano 12:13 - MUKANDA USANDU WA ZAMBI 1975

¹³ anjile mitango ya mingaji, atuhukile mukumupatwiza, nikukololoka ngwo, Vulie! Kafumana yoze meza mu jina lia Mwene! mwe Mwanangana wa Izalele!

Mukanda Wa Zambi 1970

¹³ No yaanda mitango ya ngaji, yaatuhuka mu limbo ni kumubatwiza, yaakololoka ngwo: “Vulie! Zambi awahise yoze uneza mu jina lia Mwene. Zambi awahise Mwanangana wa Israele!”

Yoano 12:13 Iomraidhean Croise

Izaya 44:6

Yehova, Mwanangana wa Izalele, Mukwa-Kukula, Yehova-wa-Tujita kanambe ngwenyi, Yami mutangu ni yami kasula-songo; kukushi zambi niumwe shina yami mwene.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Alevi 23:40

Ha tangwa litangu munutambula mihuko ya mitondo yipema, mitango ya mingaji, ni mitango ya mitondo ya mafwo, ni misombo ya ku lwiji. Mba munuwahilila kumeso ja Yehova Zambi yenu matangwa shimbiali.

Zefania 3:15

Yehova hachiza uhiso uze wa kulimika ni yena; hambila akwa kole je. Mwanangana wa Izalele, mwe Yehova mwali muli yena; kuchi kevwa nawa woma wa yuma yipi.

Mateu 23:39

Mumu ngunambe kuli yenu ngwami, Kunuchi kangumona nichimwe chize ku haliapwila ndo munukamba ngwenu, Kawaha yoze meza mu jina lia Mwene.

Mateu 27:42

Walamwinyine akwo, mwene kahashile kulilamwina. Iye mwe Mwanangana wa Izalele; asunuke haliapwila ku kulusu, mba mutumufuliela.

Yoano 1:49

Natanele wamukumbulwile ngwenyi, Longeshi, mwe Mwana Zambi yena; mwe Mwanangana wa Izalele yena.

Yoano 12:14

Yesu muze te hawana mwana-chimbulu, watwamine hali iye; ngwe chinasonewa ngwo,

Yoano 12:15

Kanda wivwa woma, yena mwana wa Zaione; Tala Mwanangana we kaneza, kanatwama hali mwana-chimbulu.

Yoano 19:15

O kashika akololokele ngwo, Muchizenu! Muchizenu! Muhachilenu ha kulusu! Pilatu yamba kuli ayo ngwenyi, Nguhachile ha kulusu Mwanangana wenu, nyi? Asasendote akwa lutwe akumbulwile ngwo, Yetu kutushi mwanangana niumwe shina Sesare.

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.

Usolwelo 7:9

Kulutwe lia yino yuma, namwene, mbunga yinene, yize niumwe mahasa kwalula, a ku mavungu eswe, ni ku minyachi yeswe, ni kuli atu eswe, ni ku malimi eswe, kanamana kulutwe lia ngunja, ni kumeso ja mwe Mwana-panga, kanazala mahina a ngungu atoma, ni mitango ya mingaji mu moko jo;