Yoano 12:1 - MUKANDA USANDU WA ZAMBI 1975

¹ Yesu kashika, matangwa asambano shimbu Chizomboka kanda chiheta, wejile ku Mbetaniya, kuze apwile Lazaru, yoze amuhindwishile Yesu hakachi ka afu.

Mukanda Wa Zambi 1970

¹ Te hikwasala matangwa asambano ni chiwanyino cha kwiwuluka Kubalika, Yesu yaya ku Betania kuze te atwama Lazaru, yoze ahindwishile ku kufwa.

Yoano 12:1 Iomraidhean Croise

Mateu 21:17

Mba waahichikile, watuhukile mu limbo akaye ku Mbetaniya, mba wapombeleko ufuku uze.

Marku 11:11

Iye ha kunjila mu Yerusaleme wayile ku tembele; muze te hakengesa ha yuma yeswe, se hapwile chingoloshi, watuhukile akaye ku Mbetaniya hamwe ni kumi ni aali.

Luka 24:50

Iye Waatwalile haze ndo hatalanganyi ni Mbetaniya; iye wazundwile moko jenyi, waawahishile.

Luka 7:37

Kumanyi, pwo wa mu limbo, chivulumunyi, muze anyingikine te iye kanatwama ku mesa mu zuwo lia Ka-Fwariseu, wanehenemo kasaji ka yitumbo ya vumba lipema;

Yoano 11:1

Achi, umwe mutu wayijile, Lazaru wa ku Mbetaniya, wa ku chihunda cha Maria ni yayo Marta.

Yoano 11:43

Muze te hamba chocho, wakololokele ni liji linene ngwenyi, Lazaru, tuhukamo.

Yoano 11:44

Mufu watuhukile, wa kukasa molu ni moko ni miya ya fuka, ni ku meso jenyi kwakujinga ni chitambala. Yesu yamba kuli ayo ngwenyi, Mujitulenu, numweche aye.

Yoano 11:55

Alioze Chizomboka cha A-Yunda chakundamine: ni anji a ku chifuchi chize akandukile ku Yerusaleme muze te Chizomboka kanda chipwa, hanga akalipemese.

Yoano 12:12

Muze hikwacha, mbunga yinene ya waze ejile ku chiwanyino, muze evwile ngwo, Yesu kaneza ku Yerusaleme,

Yoano 12:20

Hakachi ka waze akandukile mukuwayila ku chiwanyino kwapwile amwe A-Ngresia.

Yoano 12:9

Mbunga yinene ya A-Yunda kashika anyingikine iye wapwileko: o ejile, hi mumu hali Yesu wika ko, alioze hanga akamone Lazaru nawa, yoze amuhindwishile hakachi ka afu.