Yoano 11:52 - MUKANDA USANDU WA ZAMBI 1975

⁵² ni hi vungu wika ko, alioze hanga akakungulule nawa kuli umuwika ana a Zambi waze anamwangana.

Mukanda Wa Zambi 1970

⁵² hindu hi vungu lia Ayuda wika ko, alioze hanga akakungulwile nawa mu mbunga yimuwika atu ja Zambi eswe waze haanamwangana.)

Yoano 11:52 Iomraidhean Croise

Ubutukilo 49:10

Lukanda kechi kakatuka kuli Yunda; mbwechi ya mukwa kuyula kuyichi kakatuka hakachi ka yiliato yenyi, ndo mwenyayo makeza mba kuli iye atu makazeyela.

Miaso (Masamu) 22:15

Tachi jami jinomu ngwe chipalupalu cha ndeho; limi liami linalamata ku mbangachi jami; kuwanguneha mu fufuta ya kufwa.

Miaso (Masamu) 22:27

Masongo eswe a hashi kwaewuluka, kumatewulukila kuli Yehova; minyachi yeswe ya mavungu kumawayila kumeso je.

Miaso (Masamu) 72:19

Jina lienyi lilemu likafumane ku miaka ya mutolo. Hashi heswe hakazale tò ni ulemu wenyi. Amene ni Amene.

Izaya 49:18

Hetula meso je umone kweswe kwa kujingilika; eswe kanakunguluka, kaneza kuli yena. Yehova kanambe ngwenyi, Ni mwono wami, kumukaazala ngwe chuma cha uhenya, kumukalikashilo ngwe ndungi kakulinga.

Izaya 49:6

Yehova yono kanambe ngwenyi, Chalela naye hali yena ukapwe kavumbi kami wa kuhuzulula minyachi ya Yakomba, ni kuhilwisa kuli yami waze asala a kuli A-Izalele. Mungukupwisa nawa pangu ku mavungu hanga ulamwino wami ukahete ndo ku songo lia hashi.

Izaya 55:5

Muwiza kutambika mavungu kwanyingikine, ni mavungu kakunyingikine makazomboka kuli yena, ha mukunda wa Yehova Zambi ye, mwe Musandu wa Izalele, mumu hanakwehe uhenya.

Izaya 56:8

Mwene Yehova mukwa kukonga A-Izalele aze haambila kanambe ngwenyi, Mungukunga kuli iye akwo nawa helu lia waze hanaakongo.

Izaya 60:4

Talenu kweswe kwa kunujingilika nukamone; eswe kanakunguluka hamuwika, kaneza kuli yenu. Anenu a malunga makatuka kusuku; anenu a mapwo maambata mu makondo.

Ezekiel 34:12

Ngwe kafunga kakufupa mapanga jenyi muze amwe hakachi ko kanamwangana, chocho mungukafupa mapanga jami; mungukaapulula kweswako hanamwanganyina ha tangwa lia malelwa ni milima pwi.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Luka 15:8

Hanji pwo muka mapwa ni kumi lia mbongo, kachi umuwika mamutoka, keshi kuwika ndeya, nikukomba mu zuwo, nikuhengula kanawa ndo mamuwana?

Luka 2:32

pangu lia kutemwina akwa mavungu, ni uhenya wa atu je, A-Izalele.

Yoano 1:12

alioze kuli waze eswe amutambwile wahanyine chiyulo cha kupwa ana a Zambi, te kuli waze akufuliela ku jina lienyi;

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 10:16

Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Yoano 12:32

Nyi kachi manguzundula hashi, kachi mungukakoka atu eswe kuli yami mwene.

Yilinga 18:10

mumu nguli hamwe ni yena, ni mutu niumwe kechi kakukwata mukukulinga chipi: mumu atu anji nguli no mu limbo lino.

A-ROMA 3:29

Zambi, Zambi ya A-Yunda wika, nyi? Kapwile Zambi ya akwa mavungu nawa, nyi? Ewa, iye Zambi ya akwa mavungu nawa:

A-ROMA 4:17

(ngwe chinasonewa ngwo, Hingunakupwisa tato ya mavungu anji) kumeso ja Zambi yoze wamufulielele, yoze wakupwisa afu ni mwono, kakuvuluka yuma yize yakuhi, chizechene ngwe kuyili.

Efesu 1:5

Se watufunjikile ni zango Shimbu-kanda, hanga muli Yesu Kristu akatupwise ana kuli iye mwene, nikulita ni kuwaha cha upale wenyi,

Efesu 3:11

Nikulita ni kupala chize cha ku miaka ya mutolo, chize apalile kulinga muli Kristu Yesu Mwene wetu;

Tiangu (Jake) 1:1

Yami Tiangu, ndungo ya Zambi kanda ya Mwene Yesu Kristu, Ku mavungu kumi ni aali aze anamwangashana kweswe: Ngunanumeneka.

1 Petulu 1:1

Yami Petulu, postolo wa Yesu Kristu, Kuli njize waze anamwangashana mu yifuchi ya Ponto, Ngalashia, Kapatoshia, Eshia, ni Mbitiniya;

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

1 Yoano 3:1

Nyongenu zango lipwa haha hanatwehe mwe Tata atuvuluke ngwo, Ana a Zambi. Ha chikuma chino akwa hashi katunyingikineko, mumu kamunyingikineko iye.

1 Yoano 3:10

Muno kanasoloka ana a Zambi, ni ana a Ndiapu: mweswawo keshi kulinga ululi hi wa kuli Zambi ko, ni yoze keshi kuzanga ndumbwenyi.

1 Yoano 3:2

Akwetu a zango, tuli ana a Zambi kulu, ni chize mutukapwa kanda chisoloka, aiioze tunanyingika muze mamusolola iye, yetu mutukalifwa nenyi, mumu mutukamumona ngwe chize apwa.

Usolwelo 5:9

O yemba mwaso waha, ngwo, Yena kuwatela kwanda mukanda, ni kupakula yijikilo yawo: mumu akushihile, walanjile kuli Zambi ni manyinga je, amwe a ku mavungu eswe, ni ku malimi eswe, ni kuli atu eswe, ni ku minyachi yeswe,