Yoano 11:47 - MUKANDA USANDU WA ZAMBI 1975

⁴⁷ Asasendote akwa lutwe kashika ni A-Fwariseu alikungulwile mukutwama punga, o ambile ngwo, Kuchi mutulinga? Mumu yono mutu kakulinga yilayi yinji.

Mukanda Wa Zambi 1970

⁴⁷ Hohene Afariseu ni mahako a lutwe yaakungulula Mbunga ya Ngaji ja Ayuda ni kwamba ngwo: “Kuchi mutulinga? Mumu mutu yono kakulinga yilayi yinji!

Yoano 11:47 Iomraidhean Croise

Mateu 26:3

Hohene asasendote akwa lutwe, ni makulwana ja atu, akungulukile ku yize ya sasendote mukwa lutwe, yoze ngwo, Kayafwa.

Mateu 5:22

Alioze yami ngunambe kuli yenu ngwami, Mweswawo matenuka ni mukwo matela upatwilo; ni mweswawo mamba kuli mukwo ngwenyi, Raka! matela upatwilo unene; ni mweswawo mamba ngwenyi, Yena chihepuke! matela upatwilo wa Ngehena ya kahia.

Marku 14:1

Achi, kulutwe lia matangwa aali, Chizomboka ni chiwanyino cha mbolo kuyishi futunwiso muchipwa. Asasendote akwa lutwe ni akwa kusonyeka te kanafupu ngwe chize mahasa kumukwata ni kalimbalimba, akamushihe.

Luka 22:2

Ni asasendote akwa lutwe ni akwa kusonyeka afupile ngwe chize mahasa kumushiha; mumu evwile woma wa atu.

Yoano 11:57

Achi asasendote akwa lutwe ni A-Fwariseu te hahana shimbi, kachi umwe manyingika kuze ali, kachi akachambulule, hanga akamukwate.

Yoano 12:19

A-Fwariseu kashika aliambile hakachi ko ngwo, Nunamono ngwe kunushi kulinga nichimwe; talenu, akwa hashi eswe hanayi kunyima yenyi.

Yoano 2:11

Chino chitangu cha ku yilayi yenyi Yesu wachilingile mu Kena, chihunda cha mv Ngalileya, nikusolola uhenya wenyi; ni tumbaji twenyi amufulielele.

Yoano 6:2

Mbunga yinene amukawile, mumu amwene yilayi yize alingile hali mieji.

Yoano 7:32

A-Fwariseu evwile mbunga nikulinyenyeta yino yuma ha kutwala kuli iye; asasendote akwa lutwe ni A-Fwariseu atumine tupita, hanga akamukwate.

Yoano 7:45

Kashika tupita ahilukile kuli asasendote akwa lutwe ni A-Fwariseu; o ambile kuli ayo ngwo, Kuchi te kunwamunehene?

Yilinga 5:21

O muze achivwile, anjilile ha kucha mu tembele, nikulongesa. Alioze sasendote mukwa lutwe wahetele ni waze apwile hamwe nenyi, atambikile akwa kuyula ni makulwana eswe a ana a Izalele alikungulule, atumine ku zuwo lia ususu, akaanehe.

Yilinga 5:24

Muze kapitau ka tembele ni asasendote akwa lutwe evwile maliji ano, akakashanyine chikolo hali ayo te chize chuma chino muchiza kupwa.