Yoano 11:44 - MUKANDA USANDU WA ZAMBI 1975

⁴⁴ Mufu watuhukile, wa kukasa molu ni moko ni miya ya fuka, ni ku meso jenyi kwakujinga ni chitambala. Yesu yamba kuli ayo ngwenyi, Mujitulenu, numweche aye.

Mukanda Wa Zambi 1970

⁴⁴ Mufu yatuhuka, molu ni moko akukasa ni mahina, ni huma liakujinga ni chitambala. Yesu yaamba ngwenyi: “Mujitulenu, mwechenu aye.”

Yoano 11:44 Iomraidhean Croise

Ubutukilo 1:3

Zambi yamba ngwenyi, Kupwe pangu, mba yikupwa pangu.

Miaso (Masamu) 33:9

Mumu iye wahanjikile mba chalingiwile. Watuminyine mba chakolele.

Hosea 13:14

Mungwakula ku tachi ja Shiole? Mungwahula ku kufwa? Ena kufwa, yilungo ye yilihiyo? Ena Shiole, kwonwona che Chilihicho? Keke hiyanguswamina ku meso jami.

Marku 5:43

Iye waakanjishile chikolo ngwenyi, Niumwe kanda akachinyingika; iye wambile amwehe chimwe cha kulia.

Luka 19:20

Mukwo wejile, ngwenyi, Mwene, tala, yono lumbongo we mwenawo nafungile wa kutulikila mu chitambala.

Luka 7:15

Mufu wahindukile, waputukile kuhanjika, mba Wamuhanyine kuli naye.

Yoano 10:30

Yami ni Tata tuli umuwika.

Yoano 11:39

Yesu yamba ngwenyi, Chizenu liwe. Marta, ndumbu wa mufu, yamba ngwenyi, Mwene, kanakupuka kulu; mumu matangwa awana hapalika.

Yoano 11:43

Muze te hamba chocho, wakololokele ni liji linene ngwenyi, Lazaru, tuhukamo.

Yoano 19:40

Kashika azundwile mujimba wa Yesu, aukashile ni miya ya mahina a linyu ni mbuto ya vumba lipema, ngwe ndako ya A-Yunda mukululikila ha kufunda.

Yoano 20:5

iye ha kuhetama atalemo, yamona miya ya mahina a linyu yinapombo; hindu kanjililemo.

Yoano 20:7

ni chitambala chize chapwile ha mutwe wenyi, hi hamuwika ko ni miya ya mahina a linyu, alioze cha kuvunga homa ha kuhandunuka ukawacho.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 5:25

Pundu, pundu ngunambe kuli yenu ngwami, Ola muyiza, ni haliapwila hiyaheta, muze afu makevwa liji lia mwe Mwana Zambi; ni waze mevwa kumakapwa ni mwono.

Filipu 3:21

Mwenawo kumakalumuna mujimba wetu wa ulelu hanga ukalifwe ni mujimba wa uhenya wenyi, nikulita ni kulinga chize kanahase nacho kuzeyesa chipwe yuma yeswe kuli iye mwene.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

1 Samuel 2:6

Yehova kakushiha; kakupwisa ni mwono. Kakupalumwisa ku Shiole; kakukandwisa nawa.