Yoano 11:43 - MUKANDA USANDU WA ZAMBI 1975

⁴³ Muze te hamba chocho, wakololokele ni liji linene ngwenyi, Lazaru, tuhukamo.

Mukanda Wa Zambi 1970

⁴³ Muze hamba maliji wano, yakololoka ni liji linene ngwenyi: “Lazaru, tuhuka mo!”

Yoano 11:43 Iomraidhean Croise

Marku 4:41

O evwile woma wunji, aliambile umwe kuli mukwo ni mukwo ngwo, Iya kevwe yono, chipwe fuji ni meya mamwononokena?

Yoano 11:42

Ngunanyingika wakungwivwavwa matangwa eswe: alioze mumu ha mbunga yize akungujingilika nachamba, hanga afuliele ngwe wangutumine.

Yoano 11:44

Mufu watuhukile, wa kukasa molu ni moko ni miya ya fuka, ni ku meso jenyi kwakujinga ni chitambala. Yesu yamba kuli ayo ngwenyi, Mujitulenu, numweche aye.

Yoano 12:1

Yesu kashika, matangwa asambano shimbu Chizomboka kanda chiheta, wejile ku Mbetaniya, kuze apwile Lazaru, yoze amuhindwishile Yesu hakachi ka afu.

Yoano 12:9

Mbunga yinene ya A-Yunda kashika anyingikine iye wapwileko: o ejile, hi mumu hali Yesu wika ko, alioze hanga akamone Lazaru nawa, yoze amuhindwishile hakachi ka afu.

Yilinga 3:12

Petulu ha kuchimona, wambile kuli atu ngwenyi, Yenu A-Izalele, kuchi te nunalishikishila ha chino? Hanji kuchi te nunatuhulikila meso ngwe ni tachi ja yetwene hanji uwayilo wa yetwene twamwendesanga?

Yilinga 3:6

Petulu wambile ngwenyi, Prata ni oru chishi nayo; alioze chize nguli nacho ngunakwehe: mu jina lia Yesu Kristu Ka-Nazare, katuka, wende.

Yilinga 9:34

Petulu wambile kuli iye ngwenyi, Eneya, Yesu Kristu kanakuhindwisa: hinduka, wale chalo che. Haze hene wahindukile.

Yilinga 9:40

Alioze Petulu Watuhwishile eswe, waliumbile makungunwa jenyi, walembele; iye, nikutewulukila ku mujimba, wambile ngwenyi, Tavwita, hinduka. Iye walawile meso, ni muze amwene Petulu Watwamine.