Yoano 11:42 - MUKANDA USANDU WA ZAMBI 1975

⁴² Ngunanyingika wakungwivwavwa matangwa eswe: alioze mumu ha mbunga yize akungujingilika nachamba, hanga afuliele ngwe wangutumine.

Mukanda Wa Zambi 1970

⁴² Ngunanyingika ngwami, matangwa eswe wakungwivwa, alioze hinachamba mumu hali atu waze anangukunguluka, hanga afuliele ngwo, yena wangutumine.”

Yoano 11:42 Iomraidhean Croise

Mateu 26:53

Hanji unashinginyeka ngwe Chahashile haliapwila kuliumba kuli Tata, neye mangutumina ahiana kumi lia tununu ni tununu aali a mbunga ja angelo nyi?

Yoano 11:22

Chipwe haliapwila ngunanyingika cheswacho muwita kuli Zambi, Zambi kumakakwahacho.

Yoano 11:31

A-Yunda kashika waze apwile hamwe nenyi mu zuwo, nikumusangulwisa, muze amwene Maria ngwe wakatukile nikawashi atuhuke, amukawile, nikushinginyeka ngwo, Kanayi ku fuka mukulililako.

Yoano 11:43

Muze te hamba chocho, wakololokele ni liji linene ngwenyi, Lazaru, tuhukamo.

Yoano 12:11

mumu te hali iye anji a kuli A-Yunda apwile nikuya, nikufuliela Yesu.

Yoano 12:17

Mbunga kashika yize apwile hamwe nenyi, muze atambikile Lazaru atuhuke mu fuka, amuhindwishile hakachi ka afu, ashindakenyene.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yoano 17:8

Mumu maliji aze wanguhele, hingunaho, o aatambwile, anyingikine chamwenemwene nakatukile kuli yena, o afulielele yena wangutumine.

Yoano 20:31

Alioze yino yinasonewa, hanga nukafuliele Yesu iye mwe Kristu, mwe Mwana Zambi; hanga ha kufuliela, nukapwe ni mwono mu jina lienyi.

Yoano 3:17

Mumu Zambi katumine Mwanenyi hano hashi, hanga akapatwile akwa hashi, alioze hanga akwa hashi alilamwine kuli iye.

Yoano 8:16

Ewa, nyi kachi yami mungupatula, kachi upatwilo wami wamwenemwene; mumu yami chishi ukawami, alioze nguli ni Tata yoze wangutumine.

Yoano 8:29

Yoze wangutumine hwali hamwe ni yami; Tata kanguhichikile ukawami; mumu nakulinga matangwa eswe yuma yize ya kupemena kuli iye.

Yoano 8:42

Yesu wambile kuli ayo ngwenyi, Kachi Zambi kapwa Tatenu, kachi nwanguzanga: mumu natuhukile kuli Zambi; ngunakatuka kuli iye; mumu chipwe chalijilile yami mwene, alioze iye wangutumine.

A-ROMA 8:3

Mumu chize shimbi kuyahashile kulinga se yalelele ku musunya, Zambi nikutuma Mwanenyi mwene mukulifwa cha musunya wa shili, mumu ha shili, wahishile shili mu musunya.

Galashia 4:4

Alioze muze miaka yacha Zambi watumine Mwanenyi wa kusemuka kuli pwo, wa kusemuka kushi lia shimbi

Hebreu 5:7

Mwenawo ha matangwa ja musunya wenyi hashi, se walambwile yilemba ni kuliumba hamwe ni kuteta cha ngolo ni masoji kuli yoze te wahasa kumulamwina ku kufwa; apanjikile kuli iye mumu ha uwayilo wenyi.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

1 Yoano 4:14

Yetu hitunamono, twakushindakenya ngwetu, Mwe Tangi hanatumu mwe Mwana akapwe Chilamwina cha akwa hashi.