Yoano 11:41 - MUKANDA USANDU WA ZAMBI 1975

⁴¹ Achijile kashika liwe; ni Yesu wahetwile meso jenyi kwilu, iye wambile ngwenyi, Tata, ngunakusakwila mumu wanguvwile.

Mukanda Wa Zambi 1970

⁴¹ No yaachiza liwe. Yesu yatala kwilu, mba yamba ngwenyi: “Tata ngunakusakwila mumu wakunguvwila.

Yoano 11:41 Iomraidhean Croise

Miaso (Masamu) 123:1

Kuli yena munguhetula meso jami; yena kuwatwama mu malilu.

Mateu 11:25

Ha mwaka uze Yesu wakumbulwile ngwenyi, Ngunakuhalisa Tata, Mwene wa lilu ni hashi, mumu wahengekele yino yuma kuli akwa mana ni akwa malinjekela, wayisolwele kuli ana-akemba.

Mateu 11:26

Ewa, Tata, mumu chocho chakupemenene.

Mateu 27:60

Wausele mu fuka lienyi liaha, lize atotele mu liwe: neye walangumwine liwe linene ku chikolo cha fuka, mba wakatukile.

Marku 15:46

Iye walanjile hina lia linyu, ni muze hamusunwisa, wamuvungile mu hina lia linyu, wamusele mu fuka lia kutota mu liwe; iye walangumwine liwe ku chikolo cha fuka.

Luka 10:21

Ha ola yize yene Yesu walikwijile mu Spiritu, ngwenyi, Ngunakuchichimieka Tata, Mwenya lilu ni hashi, wahengekele yino yuma kuli akwa mana ni akwa malinjekela, wayisolwele kuli ana-akemba; ewa, Tata; mumu chocho chakupemenene.

Luka 18:13

Alioze mukwa kufwetesa lijimu kanamana kusuku, katayile chipwe kuhetula meso jenyi kwilu, alioze walambile ha pambo lienyi, nikupihilila, ngwenyi, Zambi, nguvwile kama keke, yami mwe chivulumunyi.

Luka 24:2

O awanyine liwe halilangumuna ku fuka.

Yoano 11:22

Chipwe haliapwila ngunanyingika cheswacho muwita kuli Zambi, Zambi kumakakwahacho.

Yoano 17:1

Yesu wahanjikile yino yuma; iye nikuhetula meso jenyi kwilu, wambile ngwenyi, Tata, ola hiyeza; chichimieka Mwané, hanga Mwané nawa akakuchichimieke.

Yoano 20:1

Achi ha tangwa litangu lia semana, Maria Ka-Mandala yaya ku fuka ha chimenemene, shimbu te kuchili milima, yamona liwe halichiza ku fuka.

Yilinga 7:55

Alioze iye, kanazala tò ni Spiritu Musandu, wahulikilile mwilu, wamwene uhenya wa Zambi, ni Yesu kanamana ku chindume cha Zambi.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.