Yoano 11:25 - MUKANDA USANDU WA ZAMBI 1975

²⁵ Yesu wambile kuli iye ngwenyi, We uhindukilo ni we mwono yami: yoze mangufuliela, chipwe mafwa, hindu kumakapwa ni mwono.

Mukanda Wa Zambi 1970

²⁵ Yesu ngwenyi: “Yami nguli we uhindukilo ni we mwono. Yoze wakungufuliela, chibwe afwe, kumabwa ni mwono,

Yoano 11:25 Iomraidhean Croise

Miaso (Masamu) 36:9

Mumu kuli yena kwatwama lie fuji lia mwono. Mu pangu lie mba twakumona pangu.

Izaya 26:19

Afu je matwama ni mwono, mijimba yo muyihinduka. Enu nwaya ku fufuta, laulenu nukembe ni uwahililo! Mumu mume we wapwa wa pangu, mba ha chifuchi cha yizulie muuhinjila.

Izaya 38:16

Mwene, ha yino yuma atu kakutwama ni mwono; mu yino yuma yeswe mwatwama mwono wa Spiritu yami. Mala! N guhindwise kama, ngwehe mwono!

Luka 23:43

Wambile kuli iye ngwenyi, Pundu, ngwami, Musono uno kumukapwa hamwe ni yami mu Paraisu.

Yoano 1:4

Muli iye mwapwile mwono; ni mwono wapwile pangu lia atu.

Yoano 14:19

Shimbu likepe wika ni akwa hashi kechi kangumona; alioze yenu munungumona: se yami nguli ni mwono, ni yenu nawa kumunukapwa ni mwono.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Yoano 3:16

Mumu chocho Zambi wazangile akwa hashi, wechele Mwanenyi wa wika, hanga mweswawo mamufuliela, kechi katoka, alioze akapwe ni mwono wa mutolo.

Yoano 3:36

Yoze mafuliela mwe Mwana, mwono wa mutolo kali nawo; yoze keshi kwononoka kuli mwe Mwana, kechi kamona mwono, alioze utenu wa Zambi kuwatwama hali iye.

Yoano 5:21

Mumu chizechene ngwe mwe Tata kakuhindwisa afu, kakwapwisa ni mwono, chocho nawa mwe Mwana kakwapwisa ni mwono waze mapala.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Yoano 6:35

Yesu wambile kuli ayo ngwenyi, Mbolo ya mwono yami; yoze meza kuli yami kechi kevwa zala nichimwe, ni yoze mangufuliela yami kechi kevwa pwila nichimwe ha mwaka niumwe.

Yoano 6:44

Niumwe mahasa kwiza kuli yami shina mwe Tata wangutumine mamukoka; mungukamuhindwisa ha tangwa lia kusula.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

A-ROMA 4:17

(ngwe chinasonewa ngwo, Hingunakupwisa tato ya mavungu anji) kumeso ja Zambi yoze wamufulielele, yoze wakupwisa afu ni mwono, kakuvuluka yuma yize yakuhi, chizechene ngwe kuyili.

A-ROMA 8:2

Mumu shimbi ya Spiritu ya mwono muli Kristu Yesu hiyinangutusula ku shimbi ya shili ni kufwa.

1 Korintu 15:18

Mba waze nawa hanayi tulo muli Kristu, hanatoko.

1 Korintu 15:29

Nyi chocho, kuchi malinga waze hanaapapachisa hali afu? Nyi keshi kuhindwisa afu nichimwe, kuchi te kevwe hanaapapachisa hali ayo?

2 Korintu 4:14

tunanyingika yoze wahindwishile Mwene Yesu Kristu, makatuhindwisa yetu nawa hamwe ni Yesu, kumakatuhetesa kumeso jenyi hamwe ni yenu.

Filipu 1:23

Yino yeswe yiali yinangushinjika, se usona nguli nawo wa kukatuka, ngukaye kuli Kristu; mumu chize chipema chikolo chahiana.

Filipu 3:10

hanga ngukamunyingike, ni tachi ja Uhindukilo wenyi, ni kulikunda cha lamba lienyi, nikulifwa ni kufwa chenyi;

1 Tesalonika 4:14

Mumu nyi hinafuliela ngwetu, Yesu yafwa, yahinduka, chocho waze nawa hanayi tulo, Zambi, kuli Yesu, kumakaaneha hamwe nenyi.

Usolwelo 1:18

ni mwe mukwa mwono; napwile mufu, aiioze natwama ni mwono ndo ku miaka ya mutolo, ni sapi ja kufwa ni Heteze nguli najo.

Usolwelo 20:5

Ni afu aze asalile katwamine ni mwono ndo haze kanunu ka miaka mamanunuka. Uno we Uhindukilo utangu.

Usolwelo 21:4

Iye makakusumuna masoji eswe ku meso jo; ni kufwa kuchichi kapwa nawa; kukuchi kapwa nawa kunenganyana, chipwe miteto, chipwe yikola, ka: mumu yuma yitangu hiyinahu.

Usolwelo 22:1

Mba wangulwezele lwiji wa meya a mwono, wa kutemuka ngwe kristale, kanatuhuka mu ngunja ya Zambi ni mwe Mwana-panga.

Usolwelo 22:17

Ni Spiritu ni ndungi kanambe ngwo, Tweya. Ni yoze mevwa ambe ngwenyi, Tweya. Ni yoze mevwa pwila eze: ni yoze mazanga atambule meya a mwono chawana.