Yoano 11:21 - MUKANDA USANDU WA ZAMBI 1975

²¹ Marta kashika wambile kuli Yesu ngwenyi, Mwene, kachi yena unakapwa kama kuno, kachi ndumbwami kafwile.

Mukanda Wa Zambi 1970

²¹ Marta yambila Yesu ngwenyi: “Mwene, nyi te unakabwa kama kuno, kachi ndumbwami kafwile!

Yoano 11:21 Iomraidhean Croise

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

Miaso (Masamu) 78:19

Ewa, ahanjikile cha kulimika ni Zambi. Ambile ngwo, Te Zambi mahasa kutwalila mesa mu puya?

Miaso (Masamu) 78:41

Alumukine nawa nikweseka Zambi. Ehile mwe Musandu wa Izalele.

Mateu 9:18

Shimbu machihanjika yino yuma kuli ayo, mukwa kuyula wejile, wamuwayilile, ngwenyi, Mwanami wa pwo haliapwila lume hafwa, alioze tweya kama, ukasayike kwoko lie hali iye, mba kumapwa ni mwono.

Yoano 11:2

Iye Maria, yoze wawayishile Mwene ni yitumbo ya vumba lipema, wakusumwine yiliato yenyi ni kambu jenyi, ndumbwenyi Lazaru wayijile.

Yoano 11:3

Mapangienyi kashika atumine kuli iye, ngwo, Mwene, yoze yena wakumufwila, kanayiji.

Yoano 11:32

Maria kashika ejile kuze apwile Yesu, muze hamumona, wafulamanyine ku yiliato yenyi, nikwamba kuli iye ngwenyi, Mwene, kachi yena unakapwa kama kuno, kachi ndumbwami kafwile.

Yoano 11:37

Alioze amwe a kuli ayo ambile ngwo, Yono mutu walawishile meso ja kapuputa, kahashile kumufunga hanga kechi kufwa, nyi?