Yoano 10:9 - MUKANDA USANDU WA ZAMBI 1975

⁹ Chikolo yami; kachi umwe manjilila kuli yami, kumakamulamwina, makanjilanjila, makatuhwoka, makawana kelo.

Mukanda Wa Zambi 1970

⁹ Che chikolo cha tanga yami. Yoze manjila kuli yami, mamulamwina. Neye manjila ni matuhuka, mawana yakulia yenyi.

Yoano 10:9 Iomraidhean Croise

Miaso (Masamu) 95:7

Mumu iye Zambi yetu. Yetu twapwa tuli atu a ku kelo jenyi. Tuli mapanga a mu kwoko lienyi. Musono nyi munwivwa liji lienyi,

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Ezekiel 36:38

Ngwe mbunga ya mapanga ha yitapo, ngwe mbunga ya mapanga ku Yerusaleme ha mwaka wa yiwanyino yenyi ya kufunjika, chocho yihunda yize ya hululu muyikazala ni mbunga ja malunga. Henaho makanyingika yami nguli Yehova.

Zakaria 10:12

Mungukaatakamisa muli Yehova mba kumakenda mu jina lienyi. Chocho kanambe Yehova.

Yoano 10:1

Pundu, pundu, ngunambe kuli yenu ngwami, Yoze keshi kunjilila ku chikolo mu limba lia mapanga, alioze manyinyina kweka, mwenawo mwiji ni muhuza.

Yoano 10:3

Iye, mukwa kufunga chikolo mamwazulwila; ni mapanga mevwa liji lienyi: iye matambika mapanga jenyi mwene ha majina jo, iye maatwala haze.

Yoano 10:7

Yesu kashika wambile kuli ayo cheka nawa ngwenyi, Pundu, pundu, ngunambe kuli yenu ngwami, Chikolo cha mapanga yami.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

Efesu 2:18

mumu muli iye yetu, eswe aali, unjililo tuli nawo muli Spiritu umuwika kuli mwe Tata.