Yoano 10:4 - MUKANDA USANDU WA ZAMBI 1975

⁴ Muze te hatuhwisa nienyi mwene eswe, maatetekela, ni mapanga mamukaula: mumu manyingika liji lienyi.

Mukanda Wa Zambi 1970

⁴ Ni muze haatuhwisa eswe haze, kafunga maatetekelela ni mapanga maamukaula, mumu kaananyingika liji lienyi.

Yoano 10:4 Iomraidhean Croise

Mwaso Ubema Wahiana 2:8

Liji lia mukwa zango liami! Talenu, kaneza nikutumbwoka ha milundu, nikuzomboka mindundena.

Mwaso Ubema Wahiana 5:2

Nayile tulo alioze mbunge yami yalawile. Ivwa! mukwa zango liami kanangongwela! Ngwenyi, Ngwazuiwile ndumbwami, mukwa zango liami, katele kami kanda niwami mupema mweswe, mumu mutwe wami wawula ni mume, kambu jami jawula ni mume wa ufuku.

Mateu 16:24

Hohene Yesu wambile kuli tumbaji twenyi ngwenyi, Kachi umwe mazanga kwiza kunyima yami, akalikale iye mwene, akazundule kulusu yenyi, angukaule.

Yoano 10:16

Mapanga akwo nguli no, waze hi a ku limba lino ko, waze nawa, changutamba kwaneha, kumakevwa liji liami; o kumakapwa chendo chimuwika, kafunga umuwika.

Yoano 10:27

Mapanga jami kakwivwavwa liji liami, yami ngunaanyingika, no kakungukaula:

Yoano 10:3

Iye, mukwa kufunga chikolo mamwazulwila; ni mapanga mevwa liji lienyi: iye matambika mapanga jenyi mwene ha majina jo, iye maatwala haze.

Yoano 10:5

Alioze chilambala kechi kamukaula, alioze mamuchina: mumu kanyingikine liji lia yilambala.

Yoano 10:8

Waze eswe anguliangilile kwiza, eji ni mihuza; alioze mapanga kaevwileko.

Yoano 12:26

Kachi umwe manguvumbika, kachi akangukaule; ni kuze yami nguli, kuze kwene nawa kumakapwa kavumbi kami: kachi umwe manguvumbika, kachi Tata kumakamulemesa.

Yoano 13:15

Mumu hinanwaha chilweza, hanga ni yenu nawa Chanutamba kulinga chizechene ngwe yami hinalinga kuli yenu.

Yoano 18:37

Pilatu kashika wambile kuli iye ngwenyi, Mba yena uli mwanangana, nyi? Yesu wakumbulwile ngwenyi, Yena unachambe ngwe, Uli mwanangana. Ha chino nasemukine, ni ha chino hinguneza hano hashi, hanga ngukashindakenye ha umwenemwene. Mweswe wa ku umwenemwene mevwa liji liami.

Yoano 3:29

Yoze uli ni ndungi, mwe sandungi: alioze kasendo ka sandungi, yoze wakumana nikumwivwa, kakuwahilila chikolo mumu ha liji lia sandungi: uno uwahililo wami kashika unazala tò.

1 Korintu 11:1

Pwenu akwa kungwimbulula, chizechene ngwe ni yami nawa nguli mukwa kwimbulula Kristu.

Efesu 5:1

Kashika pwenu akwa kwimbulula Zambi, ngwe ana aze anaazange chikolo.

Shimbi 1:30

Yehova Zambi yenu manutetekela, iye makanwashila jita, nikulita ni yeswe anulingilile mu Engitu ku meso jenu.

Hebreu 12:2

Tuhulikilenu meso kuli Yesu, Kaputu kanda mukwa kupwisa ungunu Ufulielo, mwenawo ha uwahililo uze asele kulutwe lienyi, wanyongonwene mu lamba lia kulusu, nikulelesa je sonyi; hanatwama ku kwoko lia chindume lia ngunja ya Zambi.

Hebreu 6:20

muze Yesu, iye tetekeli, hanatunjilila, se iye kapwa sasendote mukwa lutwe ndo ku miaka ya mutolo nikulita ni ngango ya Melekizeteke.

1 Petulu 2:21

Mumu ku chino hananutambika: mumu Kristu nawa wanuvwilile lamba, nikunuhichikila cheseko, hanga nukakaule mu ngano jenyi.

1 Petulu 4:1

Kashika chizechene ngwe Kristu hanevu lamba mu musunya, lipakatenu nawa ni kunyonga chimuwika; mumu yoze hanevu lamba mu musunya hanalitwamina ku shili;

1 Petulu 5:3

Kanda nulipwisa ngwe ene hali waze hananukunjika, aiioze nikulipwisa yeseko ya mbunga.