Yoano 10:32 - MUKANDA USANDU WA ZAMBI 1975

³² Yesu waakumbulwile ngwenyi, Yitanga yinji yipema hingunanulweze ya kuli Tata; ha chitanga chika cha yize munungwashila mawe?

Mukanda Wa Zambi 1970

³² Yesu yaamba ngwenyi: “Yitanga yinji hingunalingi ku meso jenu mu chiyulo cha Tata. Ku yitanga yize yeswe, ha chitanga chika nunazange kungwashila mawe?”

Yoano 10:32 Iomraidhean Croise

Miaso (Masamu) 35:12

Kakungwaha yipi ha yipema, akayindamise mbunge yami.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Jeremia 37:18

Jeremia yamba nawa kuli mwanangana Zedekia ngwenyi, Chipi chika nalinga kuli yenu, hanji tuvumbi twenu, hanji akwa vungu lino, nukanguse mu zuwo lia ususu?

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Yoano 10:25

Yesu waakumbulwile ngwenyi, Nanwambulwilile, alioze kunushi kufuliela: yitanga yize nakulinga mu jina lia Tata, yino kuyakushindakenya hali yami.

Yoano 10:31

A-Yunda anjile mawe cheka nawa hanga amwase.

Yoano 10:33

A-Yunda amukumbulwile ngwo, Ha chitanga chipema kutuchi kukwasa mawe, alioze ha kushililika Zambi; mumu yena, se uli mutu, wakulipwisa Zambi.

Yoano 10:37

Kachi chishi kulinga yitanga ya Tata, kanda nungufuliela.

Yoano 5:36

Alioze Shindakenyo yize nguli nayo yinahiana yize ya Yoano; mumu yitanga yize anguhele Tata, hanga ngukayimanunune, yitanga yiyene nakulinga, kuyakushindakenya hali yami ngwo, Tata hanangutumu.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.