Yoano 10:25 - MUKANDA USANDU WA ZAMBI 1975

²⁵ Yesu waakumbulwile ngwenyi, Nanwambulwilile, alioze kunushi kufuliela: yitanga yize nakulinga mu jina lia Tata, yino kuyakushindakenya hali yami.

Mukanda Wa Zambi 1970

²⁵ Yesu ngwenyi: “Hingunanwambulwila cho kulu, hindu kunwangufulielele. Yitanga yize nakulinga mu jina lia Tata kuyakungushindakenya.

Yoano 10:25 Iomraidhean Croise

Yoano 10:32

Yesu waakumbulwile ngwenyi, Yitanga yinji yipema hingunanulweze ya kuli Tata; ha chitanga chika cha yize munungwashila mawe?

Yoano 10:37

Kachi chishi kulinga yitanga ya Tata, kanda nungufuliela.

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 11:47

Asasendote akwa lutwe kashika ni A-Fwariseu alikungulwile mukutwama punga, o ambile ngwo, Kuchi mutulinga? Mumu yono mutu kakulinga yilayi yinji.

Yoano 12:37

Alioze chipwe hanalingi kulu yilayi yinji chikolo kumeso jo, hindu kamufulielele:

Yoano 14:11

Ngufulielenu, yami nguli muli Tata, ni Tata muli yami: alioze nyi ka, ngufulielenu ha yitanga yene.

Yoano 20:30

Yilayi yinji yikwo kashika Yesu wayilingile kumeso ja tumbaji twenyi, yize kuyasonewene mu mukanda uno.

Yoano 3:2

Iye wayile kuli Yesu ha ufuku, wambile kuli iye ngwenyi, Longeshi, tunanyingika yena uli longeshi unakatuka kuli Zambi; mumu niumwe mahasa kulinga yilayi yize yena wakulinga shina Zambi mapwa hamwe nenyi.

Yoano 7:31

Alioze anji a ku mbunga amufulielele, o ambile ngwo, Muze Kristu meza malinga yilayi yahiana yize yono hanalingi, nyi?

Yoano 8:12

Kashika Yesu wahanjikile cheka nawa kuli ayo ngwenyi, Pangu lia hashi yami: yoze wakungukaula, kechi kenda mu milima, alioze kumakapwa ni pangu lia mwono.

Yoano 8:24

Hinamba kuli yenu ngwami, Munukafwa mu milonga yenu: mumu kumunukafwa mu milonga yenu shina munufuliela yoze nguli.

Yoano 8:56

Kulwenu Apalahama walikwijile kumona tangwa liami; iye walimwene, wawahililile.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

Yilinga 10:38

ngwami, Yesu wa ku Nazare, ngwe amuwayishile ni maji kuli Zambi ni Spiritu Musandu ni tachi: iye wendele nikulinga yipema, nikuhindwisa waze eswe aamwesene lamba kuli Ndiapu; mumu Zambi wapwile hamwe nenyi.

Yilinga 2:22

Yenu A-Izalele, ivwenu maliji ano: Yesu Ka-Nazare, lunga ashindakenyene kuli Zambi ni yipupu ni yipekesa, ni yilayi yize Zambi walingile ku kwoko lienyi mukachi kenu, chizechene ngwe nunanyingika yenwene;

Hebreu 2:3

ngwe kuchi mutupuluka, nyi mutulengulula ulamwino upwa haha? Uze se aputukile kuwambujola ku kanwa lia Mwene, mba hanaukolesa ni makanwa ja waze evwile;