Yoano 10:24 - MUKANDA USANDU WA ZAMBI 1975

²⁴ A-Yunda kashika amujingilikile, o ambile kuli iye ngwo, Ndo mwiji muka mukatupwisa ni chisweswe? Kachi mwe Kristu yena, twambulwile pundu.

Mukanda Wa Zambi 1970

²⁴ Ayuda yaamukunguluka, yaamuhula ngwo: “Ndoo mwiji muka muutupwisa ni chisweswe? Nyi mwe Chilamwina yoze Zambi alakenyene yena, twambulwile cho mwazu.”

Yoano 10:24 Iomraidhean Croise

Yoano 1:19

Yino ye Shindakenyo ya Yoano, muze A-Yunda atumine ku Yerusaleme asasendote ni A-Levi, hanga akamuhule ngwo, Yena iya?

Yoano 8:53

Yena uli munene Wahiana kulwetu Apalahama, mwenawo wafwile? Ni aprofeta afwile: unalipwisa iya?

Yoano 8:25

Ambile kuli iye kashika ngwo, Yena iya? Yesu wambile kuli ayo ngwenyi, Yoze nanwambulwilile chize ku uputukilo.

Mateu 11:3

wambile kuli iye ngwenyi, Yena uli yoze meza nyi, shina mututala weka?

2 Korintu 3:12

Kashika se kutalatala ngwe chino tuli nacho, twakuhanjika ni hamu linji.

Yoano 16:25

Yino yuma hinahanjika kuli yenu ni yishima, alioze mwaka muwiza muze chichi kahanjika nawa kuli yenu ni yishima, alioze mungukanwambulwila pundu ha kutwala kuli mwe Tata.

Yoano 9:22

Yino yuma ambile yisemi jenyi, mumu evwile woma wa A-Yunda; mumu A-Yunda halitesa kulu, hanga mweswe mamutayiza kupwa Kristu, amukatwise ku sunangonga.

Luka 3:15

Shimbu atu machitalatala, ni eswe apwile nikunyonga mu mbunge jo ha kutwala kuli Yoano, shina iye mwe Kristu nyi, shina ka?

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

Marku 8:32

Iye wahanjikile mwazu liji lino, mba Petulu wamutwalile ku tenga, waputukile kumwambila.

Yoano 10:31

A-Yunda anjile mawe cheka nawa hanga amwase.

Yoano 10:33

A-Yunda amukumbulwile ngwo, Ha chitanga chipema kutuchi kukwasa mawe, alioze ha kushililika Zambi; mumu yena, se uli mutu, wakulipwisa Zambi.