Yoano 10:21 - MUKANDA USANDU WA ZAMBI 1975

²¹ Akwo ambile ngwo, Maliji ano hi a kuli mukwa ndemoniu ko. Ndemoniu mahasa kulawisa meso ja kapuputa, nyi?

Mukanda Wa Zambi 1970

²¹ Akwo yaamba ngwo: “Mukwa mwiku wa luchisa kahashile kuhanjika chocho. Mwiku wa luchisa muuhasa kulawisa tupuputa, nyi?”

Yoano 10:21 Iomraidhean Croise

Miaso (Masamu) 146:8

Yehova kakulawisa meso ja tupuputa. Yehova kakuhetula akwa kufumbama. Yehova kakuzanga akwa ululi.

Miaso (Masamu) 94:9

Yoze wasele twitwi keshi kwivwa nyi? Yoze walulikile liso keshi kumona nyi?

Kutuhuka 4:11

Yehova yamba kuli iye ngwenyi, Watangile kanwa lia mutu iya? Iya mapwisa mutu kamama? Hanji kafwa-matwi, hanji mukwa kulaula meso, hanji kapuputa? Hi yami ko Yehova nyi!

Kutuhuka 8:19

Henaho ambile e yimbanda kuli Falau, ngwo, Acho we munwe wa Zambi. Mbunge ya Falau yakalile, kahalakanyine kuli ayo, ngwe ambile Yehova.

Yishima 20:12

Ni twitwi lia kupanjika ni liso lia kumona, yeswe yiali Yehova wayitangile.

Mateu 11:5

Tupuputa kanalaula ku meso, ni yilema kanende, akwa mbumba kanapeme, ni afwa matwi kanevu, ni afu kanahinduka; kuli yiswale kakwambujola sango lipema.

Mateu 4:24

Lufuma wenyi wafumanyine mu Seria mweswe; anehene kuli iye waze eswe ayijile, a kukwachika ni misongo yeka ni yeka ni yipupilo, ni akwa ndemoniu, ni akwa musongo wa ngulu, ni akwa kalepa, waawukile.

Yoano 10:22

Ha matangwa aze afungile ku Yerusaleme chiwanyino cha kulitumbikila:

Yoano 9:6

Muze te hamba yino yuma, wafwilile mate hashi; walingile ndambo ni mate; wakwichile meso ja kapuputa ni ndambo.