Yoano 10:20 - MUKANDA USANDU WA ZAMBI 1975

²⁰ Anji a kuli ayo ambile ngwo, Ndemoniu akwete, kanazaluka; kuchi te nunamwivu?

Mukanda Wa Zambi 1970

²⁰ Anji mukachi ko yaamba ngwo: “Mwiku wa luchisa akwete, kanazaluka, kuchi kevwe nunamwivu?”

Yoano 10:20 Iomraidhean Croise

Izaya 53:8

Amushihile ni yihungumiona ni upatwilo; mba hakachi ka akwa chisemuko chenyi iya wachizewile ngwenyi, Amusutwile ku chifuchi cha akwa mwono, amulambile mumu ha Utanguko wa atu jami?

Jeremia 29:26

Yehova hakupwisa sasendote kusalakana sasendote Jehoiada, ukapwe ni chiyulo cha zuwo lia Yehova helu lia chizaluke mweswawo yoze maprofeteza, ukamuse mu kuli ja ku moko ni ku kota.

Mateu 10:25

Kunahu hali kambaji akapwe ngwe longeshi yenyi, ni ndungo akapwe ngwe mwata wenyi. Kachi hanavuluka mwenya zuwo ngwo, Mbelezepu, kumahiana chikolo kuvuluka akwa zuwo lienyi chocho.

Mateu 11:18

Mumu Yoano wejile chipwe kalile, chipwe kanwine, o mamba ngwo, Ndemoniu akwete.

Mateu 9:34

Alioze A-Fwariseu ambile ngwo, Kakutuhwisa andemoniu ni tachi ja mwata wa andemoniu.

Marku 3:21

Muze usoko wenyi achivwile, atuhukile mukumukwata: mumu ambile ngwo, Kanazaluka.

Yoano 7:20

Mbunga akumbulwile ngwo, Yena ndemoniu ukwete: iya unafupu kukushiha?

Yoano 8:52

A-Yunda kashika ambile kuli iye ngwo, Haliapwila tunanyingika ndemoniu ukwete. Apalahama wafwile, ni aprofeta nawa; ni yena unambe ngwe, Kachi umwe matunga liji liami, kachi kechi kumona kufwa nichimwe ndo ku miaka ya mutolo.

Yilinga 26:24

Shimbu machihanjika ha yino yuma ha kulisambisa chenyi, Fesetu yamba ni liji linene ngwenyi, Paulu, unazaluka; kulilongesa che chinji chinakuzalwisa.