Yoano 10:2 - MUKANDA USANDU WA ZAMBI 1975

² Yoze manjilila ku chikolo iye mwe kafunga ka mapanga.

Mukanda Wa Zambi 1970

² Alioze yoze wakunjilila ku chikolo, mwe kafunga ka mapanga.

Yoano 10:2 Iomraidhean Croise

Miaso (Masamu) 23:1

Yehova iye kafunga kami, chichi kuhona nichimwe.

Miaso (Masamu) 80:1

Panjika kama, yena Kafunga ka Izalele. Yena wakutetekela José ngwe chendo cha yimuna. Panguluka kama yena wakutwama hakachi ka akerupime.

Longeshi 12:11

Yambo ya akwa mana kuyapwa ngwe misongolwela mba yishima ya kukungulula yapwa ngwe mbambo ja kukolesa. Yeswe yinakatuka kuli Kafunga umuwika.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 63:11

Mba yewuluka matangwa a kushi a kavumbi kenyi Mose. Yoze wachijile mu kalunga-lwiji tufunga twa mapanga jenyi, kuli ali? Kuli atwama yoze wasele Spiritu yenyi musandu hakachi ko?

Ezekiel 34:23

Mungukasa hali ayo kafunga umuwika, mwe kavumbi kami David, mba iye makaalisa; makaalisa; makapwa kafunga ko.

Mika 5:5

Mba yono makapwa sambukila, muze A-Asuria makanjila mu chifuchi chetu nikuliata ha mavu jetu, se yetu mutukasolola kulimika nenyi tufunga shimbiali ni alemu ja atu nake.

Zakaria 11:3

Halakanenu mbimbi ya tufunga; mumu uhenya wo haupupa! Halakanenu kuhiohia cha ndumba, mumu mushitu ya Yordau hayiteta!

Zakaria 11:5

Waze akwalanda kakwashiha ni kastigu yakuhi, ni waze akwalanjisa kakwamba ngwo, Yehova afumane, hinapwa pichi. Chipwe tufunga two ene kaavwilile keke.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mateu 15:11

Hi chize ko muchinjila mu kanwa muchipihisa mutu; alioze chize muchituhuka mu kanwa, chino muchipihisa mutu.

Yoano 10:14

Mwe kafunga mupema yami, ngunanyingika waze niami, ni waze niami kanangunyingika,

Yoano 10:7

Yesu kashika wambile kuli ayo cheka nawa ngwenyi, Pundu, pundu, ngunambe kuli yenu ngwami, Chikolo cha mapanga yami.

Yoano 10:9

Chikolo yami; kachi umwe manjilila kuli yami, kumakamulamwina, makanjilanjila, makatuhwoka, makawana kelo.

Yilinga 20:28

Keyelenu kuli yenwene, ni ku mbunga yeswe ya mapanga, yize Spiritu Musandu hananuse tulayi, mukufunga chikungulwila cha Zambi, chize azukile ni manyinga jenyi mwene.

1 Timoteu 4:14

Kanda ukalengulula chawana chize chili muli yena, chize hanakwehe ku uprofeto, hamwe ni kusayika cha moko ja makulwana.

Titu 1:5

Ha chikuma chino nakuhichikile mu Kreta, hanga ukalulike yize yuma yahonene, hanga Ukasele makulwana mu membo eswe, chizechene ngwe nakwambile;

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

1 Petulu 2:25

Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.

1 Petulu 5:4

Mba muze masolola Kafunga mukwa lutwe, kumunukatambula chipangula cha uhenya chize kuchishi kujimuka.

Usolwelo 1:20

Chijimbikilo cha matongonoshi shimbiali waze hiwamona ha kwoko liami lia chindume, ni yikwachilo shimbiali ya ndeya ya oru ngwami, Matongonoshi shimbiali, angelo ja yikungulwila shimbiali; ni yikwachilo shimbiali ya ndeya, yikungulwila shimbiali.