Yoano 10:18 - MUKANDA USANDU WA ZAMBI 1975

¹⁸ Niumwe mauchiza kuli yami, alioze munguutumbika yami mwene. Chiyulo nguli nacho cha kuutumbika, ni chiyulo nguli nacho cha kuwanda cheka nawa. Shimbi yino nayitambwile kuli mwe Tata.

Mukanda Wa Zambi 1970

¹⁸ Mutu niumwe mahasa kuchiza mwono wami, alioze ngunaukunjika nikulita ni chize ngunazange yami mwene. Chiyulo nguli nacho cha kuukunjika ni chiyulo nguli nacho cha kuutambula nawa. Chenacho Tata anguhele Shimbi ha kulinga.”

Yoano 10:18 Iomraidhean Croise

Yoano 10:11

Mwe kafunga mupema yami; kafunga mupema matumbika mwono wenyi hali mapanga.

Yoano 10:15

chizechene ngwe Tata kanangunyingika, ni yami ngunanyingika Tata; mungutumbika mwono wami hali mapanga.

Yoano 10:17

Kashika mwe Tata kakunguzanga, mumu mungutumbika mwono wami, hanga ngukawande cheka nawa.

Yoano 14:31

alioze hanga akwa hashi akanyingike ngwe nakuzanga Tata; chizechene ngwe Tata wanguhele shimbi, chocho nakulinga. Katukenu, tuyenu.

Yoano 15:10

Kachi munufunga shimbi jami kachi munukatwama mu zango liami; chizechene ngwe yami nafungile shimbi ja Tata, natwama mu zango lienyi.

Yoano 19:11

Yesu wakumbulwile ngwenyi, Kushi chiyulo nichimwe hali yami kachi kakuhelecho kwilu; kashika yoze wangukunjikanga kuli yena, mulonga Wahiana ali nawo.

Yoano 5:26

Mumu chizechene ngwe mwe Tata mwono akwete muli iye mwene, chocho nawa wahanyine kuli mwe Mwana nawa kupwa ni mwono muli iye mwene.

Yoano 5:30

Chishi kuhasa kulinga nichimwe ukawami: ngwe nakwivwa, chocho nakupatula: ni upatwilo wami wa ululi; mumu chishi kufupa upale wami, alioze upale wa yoze wangutumine.

Yoano 6:38

Mumu hingunahulumuka mwilu, hi mukulinga upale wa yami mwene ko, alioze upale wa yoze wangutumine.

Yilinga 2:24

mwenawo Zambi hanamuhindwisa, nikukasulula yikola ya kufwa, mumu te kahashile kukwachika ni tachi jacho.

Yilinga 2:32

Yono Yesu, Zambi hanamuhindwisa, hali iye yetu eswe tuli yela.

Yilinga 3:15

Nwashihile mwe Kaputu ka mwono; yoze Zambi wamuhindwishile hakachi ka afu; ha chino yetu tuli yela.

Titu 2:14

yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.

Hebreu 2:9

Alioze tunamono Yesu, yoze amupwishile ha shimbu likepe kushi lia angelo, mumu ha lamba lia kufwa, hanamuse chipangula cha uhenya ni ulemu, hanga ku vumbi lia Zambi akamone kufwa hali atu eswe.